Pasalami

119 Saan mba gbenda ve u lu a acôghor ga la* iyol,

Mba ve zenden sha tindi u Yehova la.+

 2 Saan mba ve we akaaumbur a na ikyo la iyol,+

Mba ve keren un a ishima ve cii la.+

 3 Mba eren ma kwagh u ifer ga;

Mba zenden sha igbenda na.+

 4 U na zwa wer

I eren sha akaa a u ôr la vough.+

 5 Ma m tile ase taveraa*+

Sha er me eren sha atindiakaa a ou vough yô!

 7 Me wuese we a ishima i jighilii

Zum u m hen kwagh u ajiraôron a ou a perapera la yô.

11 M koso akaaôron a ou ken ishima yam+

Sha er me er u isholibo ga yô.+

12 I̱ wuese we, Yehova;

Tesem atindiakaa a ou.

13 Ka sha zwa wam m pasen

Akaaôron a ou a ijirigh la cii ye.

14 Akaa a u umbur se la nam iember+

Je hemba hanma kwagh u injaa ugen cii.+

15 Me hen* sha uiniezwa ou+

Shi me ver ashe sha igbenda you.+

17 Er a wanakiriki wou doo doo,

Sha er me lu uma, me eren sha mkaanem ou yô.+

18 Bughum ashe, m nenge a akaa a kpilighyol

A ken tindi wou la wang.

20 Ajiraôron a ou ka a shi saren uma wam tsung

Hanma shighe cii.

21 Ka u venda kwagh a mbagengeseyol,

Ve mba i we ve ifyan, ve undu atindi a ou la.+

22 Kar a* ilyahan man tarnahan hen a mo kera,

Gadia m we ikyo sha akaa a u umbur se la.

23 Mbatarev ka vea tema imôngo vea kôson mo je kpa,

Wanakiriki wou a henen sha* atindiakaa a ou.

24 Akaaumbur a ou doom;+

Nga wem kwagh.+

25 M yav shin vuulevu+

De mkaanem ou ma na me lu uma her.+

26 M pase u igbenda yam, we kpaa u ungwam;

Tesem atindiakaa a ou.+

27 Nam m kav inja i* uiniezwa ou,

Sha er me hen* sha kwagh u ityom you i kpilighyol la yô.+

29 Kar a gbenda u icughugh hen a mo kera,+

Er a mo i doo, sha u tesen mo atindi a ou.

32 Me za sha gbenda u atindi a ou sha gbashima

Sha ci u u sôr ishima yam sha ci u a.*

33 Yehova, tesem+ gbenda u atindiakaa a ou,

Nahan me za sha u zan zan mkur.+

34 Nam mkav,

Sha er me dondon atindi a ou

Me kuran a a ishima yam cii yô.

35 Wasem* m zende sha gbenda u atindi a ou,+

Gadia ka u u doom ye.

36 Na m ver ishima sha akaa a u umbur se la,

I de lu sha mtsera wam ga.+

37 Gemam ashe kera, m de kenger gbilinkwagh ga;+

Na m za sha igbenda you, sha er me lu uma her yô.

38 Kure ityendezwa you* a wanakiriki wou,

Sha er a cia u yô.*

39 Kar a ihyeen i m cie i la kera,

Gadia ajiraôron a ou ka a dedoo.+

41 Ma u tesem dooshima wou u been ga la, Yehova,+

Kua myom wou kpaa, sha ityendezwa you;*+

42 Nahan me zua a kwagh u ôron or u a lu nahan mo tar la,

Gadia m suur sha kwaghôron wou.

43 De dughun kwaghôron u mimi ken zwa wam kera cica ga,

Gadia m ver ashe a* ijirôron you.

44 Me kura tindi wou hanma shighe cii,

Zan zan gbem sha won.+

45 Me zende gbar gbar hen ijiir i mkor,*+

Gadia m ker uiniezwa ou.

46 Me ôr kwagh u akaa a u umbur se la sha ishigh ki utor,

Kunya ua kôrom ga.+

47 Saan mo iyol a atindi a ou,

Een, a doom ishima.+

48 Me kende ave a am sha, sha ci u atindi a ou a a doom ishima la,+

Me hen* sha atindiakaa a ou.+

49 Umbur kwaghôron wou* a wanakiriki wou,

U u nem ishimaverenkeghen sha mi la.*

50 Ka kwagh u a surun mo ishima ken ican yam je ne,+

Gadia kwaghôron wou na m ngu uma her.

51 Mbagengeseyol sem ibumegh kpishi,

Kpa m kaha m undu tindi wou ga.+

52 M umbur ajiraôron a ou a tsuaa tsuaa la,+ Yehova,

Nahan a surum ishima.+

53 Ishima vihim kpishi sha ci u mbaaferev

Mba ve undu atindi a ou la.+

54 Atindiakaa a ou hingir mo atsam

Hen ape m tem cii.*

55 Yehova, ka m umbur iti you tugh,+

Sha er me kura tindi wou yô.

56 Ka kwagh u m eren je la

Sha ci u m kor uiniezwa ou.

57 Yehova ka kwar wam;+

M tôndo zwa mer me dondon akaaôron a ou.+

58 M zamber we a ishima yam i môm;*+

Lumun mo+ sha ci u ityendezwa you.*

59 M tôv sha igbenda yam,

Sha er me gema angahar a am a̱ hide a za sha akaa a u umbur se la yô.+

60 M er fele, m ngôôr ga

Sha er me kura atindi a ou yô.+

61 Ikyor i mbaaferev kpelegh mo,

Kpa tindi wou hungur mo ga.+

62 Ka m mough ken atôutu m sugh u+

Sha ci u ajiraôron a ou a perapera la.

63 M ngu ijende i mba ve cie u la cii

Man i mba ve we uiniezwa ou ikyo la kpaa.+

64 Yehova, dooshima wou u been ga la iv tar cii;+

Tesem atindiakaa a ou.

65 U er a wanakiriki wou doo doo, Yehova,

Er u kaa nahan.

66 Tesem m lu a kwaghfan man mkav,+

Gadia ka sha atindi a ou m suur ye.

67 Shighe u ican lu a erem ga la, m tsumen,*

Kpa hegen yô, m ngu wan akaaôron a ou ikyo.+

69 Mbagengeseyol wam mbaaie iyol,

Kpa m kor uiniezwa ou a ishima yam cii.

70 Ishima ve wa akpema,*+

Kpa atindi a ou doom ishima.+

71 Doo er ican i erem yô,+

Sha er me hen atindiakaa a ou yô.

72 Atindi a u pase la doom,+

Hemba agbenger a zanaria man a azurufa udubu imôngo.+

Nam mkav,

Sha er me hen atindi a ou yô.+

74 Mba ve cie u la ka vea nenge a mo yô, ve ember,

Gadia mkaanem ou ka ishimaverenkeghen yam.*+

75 Yehova, m fa, ajiraôron a ou ka a perapera+

Shi ka sha jighjigh wou la kpaa u erem ican ye.+

76 Dooshima wou u been ga la+ ma a surum ishima,

Sha ityendezwa i* u er a wanakiriki wou la.

77 Zungwem mhôônom, sha er me lu uma her yô,+

Gadia atindi a ou doom ishima.+

78 Mbagengeseyol ve ya kunya,

Gadia ka ve hiin mo iyongo a ityôkyaa shio.*

79 Ve mba ve cie u la ve hide hen a mo,

Ka ve mba ve fe akaa a u umbur se la.

80 Ishima yam i dondon atindiakaa a ou vough vough,+

Sha er me va ahenge ga yô.+

81 Sarem a myom wou je gande,+

Gadia mkaanem ou ka ishimaverenkeghen yam.*

82 M ver ashe a kwaghôron wou je,+

M ngu kaan mer: “Ka hanma shighe u va surum ishima?”+

83 Gadia m ngu er ka ikpa i ikyôv i i an sha mnyi nahan,

Kpa atindiakaa a ou yô, m hungur a ga.+

85 Mbagengeseyol timem ahungwa,

Ve mba ve peren atindi a ou la.

87 Shi kpuaa tsô yange ma ve timim sha tar kera,

Kpa m undu uiniezwa ou ga.

88 Na m lu uma her, gadia dooshima wou ka u been ga,

Sha er me eren sha akaa a u umbur se sha zwa wou la yô.

89 Kwaghôron wou una lu sha usha

Gbem sha won, Yehova.+

91 Ka sha ajiraôron a ou ve cii* ve lu her zan zan nyian ye,

Gadia ve cii mba eren we tom.

92 Ka er atindi a ou a doom ishima yô,

Gayô, ma m kpe ken ican yam.+

93 Me hungur a uiniezwa ou mayange ga,

Sha ci u ka sha a ve u ne m lu uma her ye.+

94 M ngu u wou; yimam,+

Sha ci u m ker uiniezwa ou.+

95 Mbaaferev kegh ér vea timim,

Kpa m ver ishima yam sha akaa a u umbur se la zulee.

96 M nenge a ikighir i hanma kwagh u vough cii,

Kpa tindi wou yô, ngu a ikighir ga.*

98 Atindi a ou na m hemba mbahyomov av kwaghfan,+

Sha ci u nga a mo gbem.

99 M hemba mbatesen av cii mkav,+

Sha ci u m henen* sha akaa a u umbur se la.

100 Ka m hemba eren kwagh sha kwaghfan a mbabeenyol,

Sha ci u m kor uiniezwa ou.

101 M venda u zenden sha nyityô gbenda u ifer cii,+

Sha er me kura kwaghôron wou yô.

102 M kaha m undu ajiraôron a ou ga,

Gadia u tesem.

103 Mkaanem ou nyoho nombor wam tsô,

Ma hemba zan mo zwa a iyough kpaa!+

105 Mkaanem ou ka imenger i angahar a am,

Man iwanger i gbenda wam kpaa.+

106 M bum, shi me er sha mi kpaa,

Me wa akaaôron a ou a ijirigh a perapera la ikyo.

108 Ma i doo u a iniav mbi iwuese* yam, mbi m ne a ishima yam la,+ Yehova,

Shi tesem ajiraôron a ou.+

109 Uma wam ka a lu sha zongo hanma shighe,

Kpa atindi a ou hungur mo ga.+

110 Mbaaferev hônom,

Kpa m kaha m undu uiniezwa ou ga.+

111 M tôô akaa a u umbur se la hingir kwagh wam igbekeke,*

Gadia ka a a nem iember ken ishima ye.+

112 M kange ishima u kuran atindiakaa a ou

Hanma shighe cii, zan zan mkur.

113 Kwagh u mba lun asema ahar* vihim ishima je gande,+

Kpa atindi a ou yô a doom ishima.+

114 U ngu ijiir yam i yeren man perutya wam,+

Gadia mkaanem ou ka ishimaverenkeghen yam.*+

115 De ve nen hen ape m lu ga, ne mba eren afer,+

Sha er me kura atindi a Aôndo wam yô.

116 Suem er u tende zwa nahan,*+

Sha er me lu uma her yô;

De ne wer ishimaverenkeghen yam i hingir ahenge a van ga.*+

117 Suem sha er me war yô;+

Nahan hanma shighe yô me veren ishima sha atindiakaa a ou.+

118 Mba ve kaha ve undu atindiakaa a ou cii, u venda ve,+

Gadia ka mbaicughugh man mbaayomov.

120 Mcieryol wou na m gbidye akarkase iyol;

Ajiraôron a ou cier mo iyol.

122 Na wanakiriki wou a lu a vangertiôr ér kwagh a er un ga;

Mbagengeseyol ve de kighir mo a ican ga.

123 Ashe a am kegh myom wou+

Kua ityendezwa you i perapera* je vôr.+

124 Tese wanakiriki wou dooshima wou u been ga la,+

Shi tesem atindiakaa a ou kpaa.+

125 M ngu wanakiriki wou, nam mkav,+

Sha er me fa akaa a u umbur se la yô.

126 Shighe kuma u Yehova una er kwagh ve,+

Gadia ve per tindi wou.

127 Ka nahan ve atindi a ou a doom ishima

I hembe zanaria ye, zanaria u dedoo* je kpaa.+

128 Sha nahan yô, m nenge hanma kwaghwan u a dugh hen a we cii* mer ka u vough;+

M kôr hanma gbenda u icughugh ihyom.+

130 Ka a pase akaaôron a ou yô, iwanger i due,+

Nahan or u kaven kwagh ga nan zua a mkav.+

131 M bugh zwa wam gbangelaa, m shir ishima,*

Sha ci u atindi a ou sarem tsung.+

132 Gema hen a mo, zungwem mhôônom,+

Er ka u kure kwagh u mba iti you i doo ve ishima la nahan.+

133 Kôôm angahar a am sha kwaghôron wou a tile jighilii;

Iferkwagh i môm i de ye tor sha a mo ga.+

134 Yimam* sha ikyev i mba kighir mo a ican,

Nahan me wa uiniezwa ou ikyo.

135 Saan ishigh sha a* wanakiriki wou,+

Tesem atindiakaa a ou.

136 Mliam ma kuan mo sha ashe

Sha ci u ior mba kuran atindi a ou ga.+

137 U ngu perapera, Yehova,+

Shi ajiraôron a ou kpaa ka a mimi.+

138 Akaa a u umbur se la ka a perapera

Shi a kuma u suur sha mi tôôn ave sha.

139 Gbashima wam wuam*+

Sha ci u mbahendan a mo hungur a akaaôron a ou.

140 I sôr mkaanem ou vindi vindi, ma wang,+

Man ma doo wanakiriki wou ishima.+

141 M gba kwagh ga, shi i laham;+

Nahan cii kpa, m hungur a uiniezwa ou ga.

142 Perapera wou ka perapera u tsôron gbem sha won,+

Tindi wou kpaa ka mimi.+

143 Ican man mbamtaver ka vea va sha a mo kpaa,

Atindi a ou a za hemen u doon mo ishima her.

147 M nder tugh tugh m ngu vaan keren iwasen,+

Gadia mkaanem ou ka ishimaverenkeghen yam.*

148 Ashe a am bugh cii ve shighe u mbamkor mba utuuv ye,

Sha er me hen* sha kwaghôron wou yô.+

150 Mba ve eren akaa a kunya* la mba van ikyua;

Ve gba ica a tindi wou.

151 We u ngu ikyua ikyua, Yehova,+

Atindi a ou cii ka mimi.+

152 Ngise ngise je m hen kwagh u akaa a u umbur se la,

Er u ver a wer a lu gbem sha won yô.+

153 Nenge ican yam, nahan yimam,+

Gadia tindi wou hungur mo ga.

154 Ta ikyaa ken a mo,* warem;+

Kuram m lu uma, er u tende zwa nahan.*

155 Myom gba ica a mbaaferev,

Gadia ve ker atindiakaa a ou ga.+

157 Mba tôvon mo a ican man mba hendan a mo ngee tsô;+

Kpa m kaha m undu akaa a u umbur se la ga.

158 M gema m kenger mba eren kwagh sha ayom yô, ve ndôhôr mo ishima,

Sha ci u mba we kwaghôron wou ikyo ga.+

160 Mkaanem ou jimin cii ka mimi,+

Shi ajiraôron a ou a perapera cii ka a tsôron.

161 Mbavesen mba tôvon mo a ican+ a ityôkyaa shio,

Kpa ken ishima yam yô, mkaanem ou ka kwagh u tan ihindi iyol.+

162 M ember sha kwaghôron wou+

Er ka or u nan ye ishar kpishi nahan.

165 Mba atindi a ou a doo ve ishima yô, mba a bem kpishi;+

Kwagh môm u nan ve gbeev mbu nôngon ngu ga.

166 M ngu veren ashe a myom wou, Yehova,

Shi m ngu kuran atindi a ou kpaa.

167 M we akaa a u umbur se la ikyo,

Shi a doom ishima kpishi.+

168 M we uiniezwa ou man akaa a u umbur se la ikyo,

Gadia we u fa akaa a m eren cii.+

171 Zwa wam ma u iv a iwuese,+

Gadia u tesem atindiakaa a ou.

172 Nombor wam u̱ wa icam u ter akaaôron a ou,+

Gadia atindi a ou cii ka a perapera.

173 Uwegh ough ku keghen a kegh u wasen mo,+

Gadia m tsua u dondon uiniezwa ou.+

174 Yehova, sarem a myom wou je zua ga,

Gadia atindi a ou doom ishima.+

175 De m lu uma her, sha er me wuese we yô;+

Ajiraôron a ou kpaa ma a wasem.

176 M tsume er ka iyôngo i i saa nahan.+ Ker wanakiriki wou,

Gadia atindi a ou hungur mo ga.+