Hen Mbaefese

4 Sha nahan yô, mo u m lu ken purusu+ sha kwagh u Ter ne, m ngu zamber a ven mer zende wen u kuma+ sha kwagh u yange i yila ne sha mi la, 2 a iyol hiden a mi ijime tsung+ man a ishima i legh legh man a ishimawan;+ waan nen ishima a mbagenev sha dooshima,+ 3 nôngo nen kpoghuloo luun nen ken bem vea mbagenev, sha er ne za hemen u lun ken mzough u jijingi a wase ne ne lu ker la yô.+ 4 Iyol ngi i môm,+ jijingi kpa ngu môm,+ vough er ishimaverenkeghen i yange i yila ne sha mi la kpa i lu i môm nahan.+ 5 Ter ngu môm,+ jighjigh u nan ngu môm, batisema kpa ngu môm; 6 Aôndo ngu môm, ka Ter u ior cii, ngu ityough sha akaa cii, shi eren tom ken akaa cii, shi ngu ken akaa cii.

7 Nahan Aôndo tese hanmô wase cii erdoo u hemban ne, man ka Kristu a ne hanma wase iyua ne gbilin ye.+ 8 Gadia i nger ér: “Zum u a kôndo sha yô, a yem a ior uikyangen; a na nomsombaiorov mba uiyua.”+ 9 Nahan kwagh u i kaa ér “a kôndo” la tese nyi? Tese ér yange vande senen shin, ka shin tar je la. 10 Ka un shon u yange sen la shi a kôndo sha,+ a kar usha cii ye,+ sha er una na akaa cii a̱ iv yô.

11 A na mbagenev ka mbaapostoli,+ mbagen ka uprofeti,+ mbagenev ka mbaivangeli,*+ mbagen ka mbakuran man mbatesen,+ 12 sha u ve̱ er tom u kôôm gbenda u* uicighanmbaiorov, man tom u wasen mbagenev, shi maan iyol i Kristu,+ 13 zan zan se cii se kar zuan sha jighjigh u nan môm, shi se lu a mfe u vough sha kwagh u Wan u Aôndo, se via or+ se ar sha mluyol u a kom sha Kristu sha hanma gbenda cii yô. 14 Se kera lu mbayev ga, shi a kera daase a vese er ka sha agôndoamnger nahan, a yemen a vese heen man heela sha hanma ityesen i ahumbe,*+ sha atseregh a ior, man sha igbenda i i tsughun ior a mi sha ayom la nahan ga. 15 Kpa gba u se ôron kwagh sha mimi shi se tesen dooshima ve se vese se via sha hanma gbenda cii, se ar sha mlu u Kristu, u a lu ityough la ye.+ 16 Ka sha a na alegh a iyolough la cii+ a zor a lu imôngo shi a lu eren tom ken ijoughave vea hanma ijuan i i lu nan kwagh u kwagh a gbe sha mi la ye. Hanma ilyeegh ki iyolough ka kia eren tom sha inja yô, kwagh ne a na iyol i via, er i lu vesen sha dooshima la.+

17 Nahan ka kwagh u m lu ôron shi eren shiada sha mi ken Ter je ne, mer, de kera zenden nen er akuraior agen kpa a zenden+ sha mbamhen vev mba gbilinigh* la nahan ga.+ 18 Mbamhen vev wa ime, mba paleghaa a uma u a dugh hen Aôndo la, sha ci u mfe u ve ban a mi la, man sha ci u asema a ve a a we kwagh ikyo ga* la. 19 Mba kera we tindi u sha kwagh u aeren a wang la ikyo ga, nahan ve nyôr iyol ken aeren a ndôhôrshima,*+ sha u eren hanma inja kwagh i wang ga cii sha hua je.

20 Kpa ne hen kwagh u Kristu, ne fa er a lu nahan ga yô, 21 aluer mimi je yange ne ungwa un shi i tese ne sha ikyev na yô, gadia ka ken Yesu mimi a lu ye. 22 Yange i tese ne u éren or u tse kera,+ u a zough sha aeren a en a tse, shi asaren a na a icughugh a lu vihin un la.+ 23 Nahan za nen hemen u geman sha er ne hingir hegh sha tahav mbu mbu* kôôm mhen wen la yô,+ 24 shi haa nen or* u he iyol,+ u i gbe un sha awashima u Aôndo ken perapera u mimi man ieren i mimi la.

25 Sha nahan yô, hegen u ne dugh icugh ken a ven kera ne, hanmô wen nana ôron kwagh u mimi a or u wan ndor a nan,+ sha ci u se mba alegh a iyol i môm je.+ 26 Ishima yô i̱ vihi ne, kpa de eren nen isholibo ga;+ de vihin nen ishima zan zan iyange i miren ne a mi ga;+ 27 de ne nen Diabolo ian ga.+ 28 Or u nan iin yô, nana de kera iin ga, kpa nana̱ er tom kpoghuloo, nana̱ eren tom u dedoo sha ave a nan,+ sha er nana lu a kwagh u nan mba ve lu a kwagh ga la yô.+ 29 Ma iliam i dang i de dugh ken zwa wen ga,+ kpa ôron nen kwagh u dedoo tseegh, sha u taver ior asema, shighe u i gbe u a er nahan yô, sha er mba ve ongo la vea zua a iwasen ker yô.+ 30 Shi de eren nen kwagh u icighan jijingi u Aôndo una yue* ga.+ Ka sha jijingi la i ver ne ikyav+ sha ci u iyange i a paa ne, ne kera lu uikyangen ga la ye.+

31 Dugh nen hanma ihyom ken ishima yen* kera,+ kua ishimanyoon man iyugh man ieren i zôhôn genger genger man ityuhwanev,+ kua hanma kwagh u vihin cii.+ 32 Kpa gema eren nen a hanmô wen kundu kundu, zungwen nen mhôônom tsung,+ deen nen hanmô wen kwaghbo sha mimi, vough er Aôndo kpa a de ne sha mimi ken Kristu nahan.+