11 Eger iki gumry ýa iki kepderi bermäge⁠-⁠de ýagdaýy bolmasa, günä gurbanlygy üçin bir jam*+ ýokary hilli un getirsin. Una ýag ýa⁠-⁠da ladan* goşmasyn, sebäbi günä gurbanlygy şeýdip berilmelidir. 12 Ol uny ruhana eltip bersin. Ruhany undan bir goşawuç alyp, gurbanlyk ojagynda Ýehowa ýakylyp berilýän gurbanlyklaryň üstünde ýatlama sadakasy* hökmünde ýaksyn. Günä gurbanlygy şeýdip berilmelidir.

14 Galla sadakasyny+ şeýdip bermelidir: Harunyň ogullary sadakany Ýehowanyň huzuryna, gurbanlyk ojagynyň öňüne getirsin. 15 Ruhanylaryň biri galla sadakasyndan, ýagny ýag hem ladan* goşulan ýokary hilli undan bir goşawuç alyp, gurbanlyk ojagynda ýatlama sadakasy* hökmünde ýaksyn. Ýehowa üçin ýakymly ysly sadaka şeýdip berilýändir+.