15 Göçmeli bolanda, Harun bilen ogullary mukaddes çadyrdaky+ zatlaryň we esbaplaryň üstüni doly ýapsyn. Şondan soň kohatlar gelip, olary götersin+. Ýöne olar heläk bolmaz ýaly, mukaddes çadyryň esbaplaryny eli bilen ellemesin+. Kohatlar ýygnak çadyrynyň zatlaryny götermäge jogapkärdir.

24 Gerşonlaryň gözegçilik etmeli we götermeli zatlaryny görkez+. 25 Olar mukaddes çadyryň matalaryny+, ýygnak çadyrynyň örtügini, üstündäki düwleniň* derisinden edilen örtügi+, ýygnak çadyrynyň agzyndaky perdäni+, 26 howlynyň perdelerini+, mukaddes çadyr we gurbanlyk ojagy duran howlynyň girelgesindäki perdäni+, olaryň ýüplerini, esbaplaryny we şolar bilen bagly zatlary götersinler. Şol zatlary götermek olaryň borjudyr.

31 Olar ýygnak çadyryndaky şu zatlary götermäge jogapkärdir+: mukaddes çadyryň çarçuwalary*+, taýaklary+, sütünleri+, diregleri+, 32 howludaky söýeleri+, diregleri+, gazyklary+, ýüpleri, olaryň esbaplary we şolar bilen bagly zatlar. Olaryň hersine götermeli zatlaryny tabşyryň. 33 Merarlaryň+ ýygnak çadyrynda etmeli işleri şeýledir. Olar Harun ruhanynyň ogly Ytamaryň ýolbaşçylygy astynda hyzmat etsin»+.