• Ýuşa 15:1
    Mukaddes Kitap

    • 15 Ýahuda taýpasyna tirelerine görä bije atylyp, mülk berildi+. Olaryň mülki Edomyň+ serhedine, Zin çölüne we Negebiň günortasyna çenli uzalýardy.

  • Ýuşa 15:8
    Mukaddes Kitap

    • 8 Soňra serhet ýokarlygyna galyp, Hennem oglunyň jülgesine+, ýabuslaryň+ günorta baýyrlygyna, ýagny Iýerusalime+ ýetýärdi. Şol ýerden hem Hennem jülgesiniň günbataryna bakyp duran dagyň depesine ýetýärdi. Şol dag Refaýim jülgesiniň demirgazyk çetinde ýerleşýär.

  • 1 Taryh 11:15—19
    Mukaddes Kitap

    • 15 Otuz serkerdäniň üçüsi Dawudyň ýanyna, Adullam gowagyna bardy+. Şol wagt piliştliler Refaýim jülgesinde düşelge gurupdy+. 16 Dawut gowakda bolup ýördi, Beýtullahamda bolsa piliştlileriň goşun bölümi bardy. 17 Bir gün Dawut: «Wah, Beýtullahamyň+ guýusyndan suw içäýsem!» diýdi. 18 Şonda üç batyr ýigit piliştlileriň düşelgesinden geçip, Beýtullaham derwezesiniň ýanyndaky guýudan Dawuda suw getirip berdiler. Emma Dawut suwy içmän, Ýehowanyň öňünde ýere dökdi. 19 Ol: «Men muny içip bilmerin! Içsem, Hudaýym asla halamaz! Janyndan geçip* giden adamlaryň ganyny içeýinmi?+ Olar janlaryny howp astyna saldy ahyryn» diýip, suwy içmedi. Dawudyň üç batyr ýigidi şeýle edermenlik görkezipdi.