28 Ol adamlary bilen maslahatlaşyp, iki altyn göle ýasady⁠-⁠da+, halka: «Iýerusalime gidip kösenmäň. Eý Ysraýyl, ine sizi Müsür ýurdundan çykaran Hudaýyňyz»+ diýdi. 29 Ýerobgam olaryň birini Beýtelde+, beýlekisini Danda+ goýdy. 30 Şeýdip, halk günä edip başlady+, olar gölä sežde etmek üçin, hatda Dan topragyna⁠-⁠da gidýärdiler.

33 Şu zatlardan soňam Ýerobgam ýaman ýolundan dänmedi. Gaýtam seždegählerde ýönekeý adamlardan ruhanylary belledi+. Ol ruhany bolasy gelýän islendik adamy: «Goý, seždegähde ruhany bolsun»+ diýip, ruhany bellärdi. 34 Ýerobgamyň öý⁠-⁠içerisiniň eden günäsi+ olaryň başyna ýetdi, bütinleý gyrylmagyna sebäp boldy+.