25 Ýehowa Süleýmany halkyň öňünde juda beýgeltdi we Ysraýylyň öňki patyşalarynyň hiç birinde bolmadyk şan⁠-⁠şöhrat berdi+.

9 Şan-şöhratym artdy, Iýerusalimde menden öň ýaşanlaryň ählisinden juda baýadym+. Şonda-da akylymy ýitirmedim.

28 Egin-eşik hakda näme üçin alada edýäňiz? Çigildemleriň ösüşine syn ediň. Olar ne zähmet çekýärler, ne-de eşik tikýärler. 29 Emma men size diýýärin, şan-şöhratly Süleýman patyşa-da+ şeýle owadan geýnen däldir.

42 Kyýamat güni* Gündogaryň aýal patyşasy şu nesil bilen direlip, olary utandyrar*. Sebäbi ol Süleýmanyň paýhasly sözlerini diňlemek üçin ýeriň aňry ujundan gelipdi+. Emma bärde Süleýmandan-da beýik biri dur+.