• Zebur 15:1—5
    Mukaddes Kitap

    • 15 Eý Ýehowa, çadyryňa kimi myhman alarsyň?

      Mukaddes dagyňda kim ýaşar?+

       2 Halal* ýaşaýan+,

      Dogry işleri edýän+,

      Ýüreginde hakykaty aýdýan adam ýaşar+.

       3 Ol dili bilen töhmet atmaz+,

      Goňşusyna* ýamanlyk etmez+,

      Dostlaryna gara ýöňkemez+.

       4 Ol ýigrenji adam* bilen gatnaşmaz+,

      Ýehowadan gorkýanlara hormat goýar.

      Zyýanyna bolsa⁠-⁠da, beren sözünde durar+.

       5 Ol göterimine pul bermez+,

      Bigünäni garalamak üçin para almaz+.

      Şeýle adam asla sarsmaz+.

  • Zebur 27:4
    Mukaddes Kitap

    •  4 Ýehowadan dileýärin,

      Şuny arzuw edýärin:

      Ömürboýy Ýehowanyň öýünde bolsadym+,

      Ýehowanyň ajaýyp häsiýetleri hakda oýlansadym,

      Ybadathanasyna guwanyp* seretsedim+.

  • Zebur 84:1—4
    Mukaddes Kitap

    • 84 Eý Serkerdebaşy Ýehowa,

      Mukaddes çadyryňy ýürekden söýýärin!+

       2 Ýehowanyň howlularyny bütin ýüregim bilen küýseýärin,

      Küýsemekden ýaňa ysgyndan gaçdym+.

      Bütin janym, bütin durkum bilen Biribara aýdym aýdýaryn.

       3 Serkerdebaşy Ýehowa!

      Patyşam, Allam!

      Seniň beýik gurbanlyk ojagyň* ýanynda,

      Guşlar özüne öý, garlawaçlar höwürtge ýasaýarlar,

      Jüýjelerini iýmitlendirýärler.

       4 Seniň öýüňde ýaşaýanlar nähili bagtly!+

      Olar saňa hemişe alkyş aýdýarlar+. (Sela)

  • Zebur 84:10
    Mukaddes Kitap

    • 10 Seniň howlularyňda geçiren bir günüm,

      Başga ýerde geçiren müň günümden gowudyr+.

      Erbet adamyň çadyrynda ýaşanymdan,

      Hudaýyň öýüniň bosagasynda duranym ýagşydyr.