• Zebur 30:5
    Mukaddes Kitap

    •  5 Onuň gahary az salymlykdyr+,

      Ýagşylygy bolsa ömürboýy dowam edýär+,

      Agşam agy eşidilse⁠-⁠de, daňdan şatlyk ýaňlanýar+.

  • Işaýa 9:3
    Mukaddes Kitap

    •  3 Sen halky köpeltdiň,

      Şatlygyna şatlyk goşduň.

      Olar seniň öňüňde,

      Hasyl ýygnaýan daýhanlar kimin begenýärler,

      Olja paýlaşýan esgerler kimin guwanýarlar.

  • Işaýa 61:1—3
    Mukaddes Kitap

    • 61 Maňa Älemiň Hökümdary Ýehowanyň ruhy indi+,

      Ýehowa maňa ýumşaklara hoş habary aýtmagy tabşyrdy*+.

      Hasrat çekýänlere göwünlik bermäge,

      Ýesirlere azat boljagyny,

      Tussaglara gözüniň açyljagyny aýtmaga iberdi+.

       2 Ol meni Ýehowanyň rehimdarlyk ýylyny,

      Allanyň ar aljak gününi yglan etmäge+,

      Ýas tutýanlara göwünlik bermäge iberdi+.

       3 Sionyň ýasyny tutýanlaryň üstünden külüni kakyp,

      Başyna ýaglyk dakmaga,

      Gözýaşlaryny süpürip, şatlanmaklary üçin ýag bermäge,

      Gam-gussalaryny unutdyryp,

      Alkyş donuny geýdirmäge iberdi.

      Olara dogruçyllyk agajy diýerler,

      Ýehowany şöhratlandyrmak üçin ekilen agaç diýerler+.