11 Şol gün Ýehowa halkynyň aman galanlaryny Assiriýadan+, Müsürden+, Patrosdan+, Kuşdan*+, Elamdan+, Şyngardan*, Hamatdan we deňiz adalaryndan+ halas etmek üçin ýene-de, ikinji gezek elini uzadar. 12 Ol milletler üçin bellik diker we ýer ýüzüne dargan Ysraýyl ogullaryny bir ýere jemlär+. Çar tarapa dargan ýahuda halkyny ýygnar+.

12 Ysraýyl halky! Şol gün Ýehowa joşup akýan derýadan* tä Müsür jülgesine*+ çenli ýerlerden sizi ýekän-ýekän ýygnar. Edil bagbanyň agajy kakyp, ýekeje miwesini galdyrman ýygnaýşy ýaly, siziň hem ähliňizi ýygnar+.

25 Älemiň Hökümdary Ýehowa şeýle diýýär: „Milletleriň arasyna dargap giden ysraýyl halkymy bir ýere jemlärin+ we olar arkaly mukaddes Hudaýdygymy hemmelere ykrar ederin+. Şonda olar öz ýurdunda, gulum Ýakuba beren+ ýurdumda ýaşarlar+.

15 „Goýunlarymy özüm bakaryn+, olara dynçlyk bererin+ — muny Älemiň Hökümdary Ýehowa aýdýar. 16 — Ýitenlerini gözlärin+, azaşanlaryny yzyna getirerin, ýaralaryny sararyn, ejizlerine goltgy bererin. Emma semizlerini we daýawlaryny ýok ederin, olara temmi bererin“.