Zebur

Zyýarat aýdymy*.

120 Jebir⁠-⁠jepa içinde Ýehowany çagyrdym+,

Ol maňa jogap berdi+.

2 Eý Ýehowa, ýalançy agyzdan,

Hilegär dilden meni halas et.

3 Eý hilegär dil+, Hudaýyň saňa näme etjegini bilýärmiň?

Alla saňa nähili temmi berer?

4 Ol esgeriň ýiti peýkamlary bilen+,

Ýylgynyň közleri bilen saňa temmi berer+.

5 Men Meşehde+ gelmişek boldum,

Kedar+ çadyrlarynda ýaşadym.

Waý meniň halyma!

6 Men parahatlygy ýigrenýänler bilen+,

Uzak wagt ýaşadym.

7 Men parahatlyk isleýärdim.

Parahatlyk hakda dil ýaranymda,

Olar uruş turuzýardylar.