Süleýmanyň aýdymy

2 Men sähranyň güli*,

Gök deräniň çigildemi»+.

 2 «Saýlanýar söýgülim gyzlardan,

Çigildem deý tikenleriň içinde».

 3 «Saýlanýar söýgülim ýigitlerden,

Alma bagy deý jeňňel içinde.

Köňlüm küýsär saýasyn,

Agzym küýsär miwesin.

 4 Meni meýlishana getirdi,

Söýgüsini ulus-ile ýetirdi.

 5 Ýakyp ýandyrdy yşkyň,

Alma, kişmiş+ iýdir, ýarym,

Aram tapsyn şirin janym.

 6 Sol golunda başym,

Sag eli gujaklaýar bilim+.

 7 Eý Iýerusalim gyzlary, ant içiň,

Jerenlerden, sähra keýiklerinden+.

Kalbymda söýgi oýanýança,

Mende duýgy döretmäň, birahat etmäň+.

Serediň, eziz ýarym gelýär,

Dag-depelerden aşyp gelýär.

Ine, aýnamyzdan bakýandyr,

Penjireden* seredýändir,

Aramyzda ýekeje diwar bardyr.

„Mähribanym, tursana,

Aý bölegim, ýanym bilen gitsene!

12 Ine, açylypdyr meýdanda güller+,

Gelip ýetdi agaç gyrkylýan günler+,

Gumry owazyndan ganýandyr iller+.

13 Ilkinji miwesini berdi injir agajy+,

Bark urýar güllän üzüm bagy.

14 Eý gumrym, kert gaýadan+,

Gowaklardan uçup gel.

Aý jemalyňy göreýin, hoş owazyňy eşideýin+,

Ýakymlydyr sesiň, gözeldir keşbiň“»+.

15 «Üzüm bagymyz gülläpdir,

Kowalap, tilkileri tut,

Üzümi zaýalaýan tilkijikleri tut».

17 Öwüsýärkä salkyn şemal, ýitmänkä kölege,

Söwer ýarym, dolansana!

Dag goçy+ hem sugun+ deý,

Aýralyk dagyndan* aşyp gelsene.