Zebur

Aýdymçylaryň ýolbaşçysyna. Kirişli saz gurallary bilen aýtmaly. Aýdym.

67 Hudaý bizden razydyr, bereket berer,

Nurly ýüzi ýalkym saçar+. (Sela)

2 Ýer ýüzi seniň ýoluňy bilsin+,

Halklar halas edişiňi görsün+.

3 Ýa Alla, goý, halklar saňa alkyş aýtsyn!

Ähli milletler seni wasp etsin!

4 Milletler şatlansyn, joşup aýdym aýtsyn+.

Sebäbi sen adalatly höküm çykararsyň+.

Halklara ýol görkezersiň. (Sela)

5 Ýa Alla, goý, halklar saňa alkyş aýtsyn!

Ähli milletler seni wasp etsin!

6 Toprak bol hasyl berer+,

Hudaý, biziň Hudaýymyz bereket eçiler+.

7 Alla bereket berer,

Bütin ýer ýüzi ondan gorkar*+.