Işaýa

34 Eý milletler, golaýyma gelip diňläň!

Eý halklar, üns beriň!

Eý zemin we ondaky bar zatlar,

Toprak we onuň miweleri, diňläň!

 2 Ýehowanyň halklara gahary gelýär+.

Olaryň goşunyna garşy gazaba münýär+.

Alla olary ýok eder,

Jelladyň eline berer+.

 3 Olaryň jesetleri çaşyp ýatar,

Maslyklary aňkap durar+.

Ganlary daglardan sil deý akar*+.

 4 Gökleriň goşuny ýok bolar,

Asman golýazma kimin düýrlener.

Gökleriň goşuny tapdan düşer,

Saralyp ýere dökülen üzüm ýapragy kimin,

Gurap ýere gaçan injir kimin bolar.

Gylyjym Edomy gyrmaga geler+,

Höküm eden halkymyň başyndan iner.

Onuň gylyjy ýaga batar+.

Goçlaryň we geçileriň ganyna boýalar,

Goçlaryň böwrek ýagyna batar.

Sebäbi Ýehowa Bosra galasynda gurbanlyk berer,

Edom ýurdunda gan döker+.

 7 Ýabany öküzler, ýaş we güýçli öküzler

Olar bilen bile gyrlar.

Olaryň ýurdy gana boýalar,

Topragyny ýag basar».

 8 Sebäbi Ýehowa ar aljak gününi+,

Siony ezenlerden öç aljak ýylyny belledi+.

 9 Onuň* ýaplary gara sakgyja*,

Topragy kükürde öwrüler.

Tutuş ýurt ýanyp duran gara sakgyja döner.

10 Ol gije-gündiz ýanyp durar,

Tüssesi hemişe asmana galar,

Ebedilik haraba döner.

Indi ol ýerden hiç kim geçmez+.

11 Ol ýerde gotanlar we oklukirpiler ýaşar,

Baýguşlar we gargalar mesgen tutar.

Alla ony heläkçilik ölçeg ýüpi bilen,

Harabaçylyk ölçeg daşy* bilen ölçär.

12 Begleri patyşa bolmaz,

Hanlarynyň ählisi ýok bolar.

13 Onuň diňlerinde ýandak biter.

Galalaryny tikenekler we haşal otlar basar.

Ol şagallaryň sürenine+,

Düýeguşlaryň mesgenine öwrüler.

14 Çöl haýwanlary bilen uwlaýan haýwanlar üýşer.

Ýabany geçi* jübütini çagyrar.

15 Okýylanlar mesgen tutar we ýumurtgalar.

Ýumurtgalaryny basyryp, olary gorar.

Olaryň hiç biri ýitmez,

Hiç biriniň jübüti kemlik etmez.

Ýehowanyň özi buýruk çykardy.

Onuň emri* bilen olar bir ýere jem boldy.

17 Alla olar üçin bije atdy,

Eli bilen olara ýer paýyny ölçäp berdi.

Ol ýer hemişe mesgeni bolar,

Çagalary-da hemişe ol ýerde ýaşar.