Dawudyň aýdymy.
26 Eý Ýehowa, meni barla, sebäbi men saňa wepaly+.
Men elmydama Ýehowa bil baglaýaryn+.
2 Meni barla, eý Ýehowa, meni synap gör,
Oý-pikirimi, ýüregimi tämizle+.
3 Hemişe seniň söýgiň hakda oýlanýaryn,
Dogry ýollaryňdan ýöreýärin+.
4 Ýalançylar bilen gatnaşmaýaryn+,
Ikiýüzlülerden gaça durýaryn.
5 Zalym adamlary ýigrenýärin+,
Erbet adamlar bilen oturmaýaryn+.
6 Eý Ýehowa, elimi arassalap, päk bolaryn,
Gurbanlyk ojagyň daşyndan aýlanaryn.
7 Ol ýerde saňa alkyş aýdaryn+,
Ajaýyp işleriň hakda gürrüň bererin.
8 Eý Ýehowa, seniň öýüňi+,
Şöhratly mekanyňy söýýärin+.
9 Günäkärler bilen meni deň görme+,
Zalym adamlar bilen meni ýok etme.
10 Olar haýasyz işlere baş goşýarlar,
Sag eli bilen köp para alýarlar.
11 Men bolsa wepaly bolaryn,
Meni halas et, maňa rehim eýle.
12 Aýagym tekiz ýerde durar+,
Jemagatyň öňünde Ýehowany wasp ederin+.