Zebur

 3 Han⁠-⁠beglere, ynsan ogullaryna bil baglamaň,

Olar janyňy halas edip bilmez+.

 4 Olaryň ýaşaýyş demi gutarýar, topraga siňýär+,

Şol gün oý⁠-⁠pikirleri hem puç bolýar+.

 5 Ýakubyň Hudaýyndan kömege garaşýan+,

Ýehowa Hudaýa umyt edýän adam bagtlydyr+.

 6 Ol asmanyň, ýeriň,

Deňziň we onuň içindäki ähli zadyň Ýaradyjysydyr+.

Ol hemişe wepalydyr+.

 7 Ol aldanan adamlar üçin adalaty dikeldýär,

Açlara çörek berýär+.

 8 Ýehowa körleriň gözüni açýar+,

Ýehowa bili bükülenleri dikeldýär+,

Ýehowa dogruçyllary söýýär.

 9 Ýehowa gelmişekleri goraýar,

Ýetime, dul aýala hemaýat edýär+;

Erbetleriň niýetini bolsa puç edýär+.

10 Ýehowa ebedilik Patyşa bolar+.

Eý Sion, seniň Hudaýyň

Nesilden⁠-⁠nesle höküm sürer.