Zebur

144 Ellerime göreşmegi,

Barmaklaryma söweşmegi öwredýän+

Arkadagym+ Ýehowa alkyş bolsun!

 2 Ol wepaly söýgä* baý Hudaý.

Ol galam, penam we halasgärimdir.

Meniň galkanym we gaçybatalgamdyr+,

Duşmanlarymy boýun egdirýändir+.

 3 Eý Ýehowa, adam ogluna nazar salaryň ýaly,

Başy ölümli adama üns bereriň ýaly, ol kimmişin?+

 4 Adamyň ömri bir dem kimindir+,

Kölege kimin geçip gidýändir+.

 5 Ýehowa, bulutlary basgançak edip, aşak in+;

Daglara eliňi degir, gara tüsse göterilsin+.

 6 Ýyldyrym çaksyn, duşmanyňy ýok etsin+.

Oklaryň olary howsala salsyn+.

 7 Asmandan eliňi uzadyp,

Möwç urýan tolkunlardan meni halas et,

Ýat halklaryň elinden azat et+.

 8 Olar dili bilen ýalan sözleýär,

Sag elini galdyryp, ýalandan ant içýär.

On kirişli saz guraly bilen wasp ederin!

10 Sen patyşalara ýeňiş berýärsiň+,

Ýiti gylyçdan guluň Dawudy halas edýärsiň+.

11 Dili bilen ýalan sözleýän,

Sag elini galdyryp, ýalandan ant içýän,

Ýat halklardan meni halas et.

12 Şonda ogullarymyz tiz ösýän nahal kimin bolar,

Gyzlarymyz köşgüň oýma sütünlerine meňzär.

13 Ammarlarymyz her dürli näz⁠-⁠nygmatlardan dolar,

Ýaşyl ýaýladaky sürülerimiz müňlerçe, on müňlerçe bolar.

14 Bogaz sygyrlarymyz öli ýa⁠-⁠da kemis göle guzlamaz.

Köçelerde agy sesi eşidilmez.