Işaýa

51 «Adalaty agtarýanlar, diňläň!

Ýehowany gözleýänler, gulak goýuň!

Gaýa serediň, siz ondan alyndyňyz,

Çukura serediň, siz ondan çykdyňyz.

 2 Ataňyz Ybraýyma,

Sizi dünýä inderen Bibisara+ serediň.

Ybraýymy çagyranymda, ol ýekedi+,

Oňa bereket berdim, neslini köpeltdim+.

Weýran bolan ýerlerini dikelder*+.

Çölleri Erem bagy deý bolar+,

Düz ýerleri Ýehowanyň bagyna öwrüler+.

Şatlyk we begenç sesi ýaňlanar,

Alkyş we aýdym owazy ýaň salar+.

 4 Halkym, meni diňläň!

Halkym+, maňa gulak asyň!

Men kanun çykararyn+,

Men adalaty dikelderin, ol halklara nur saçar+.

Gutulyş günüm ýetip gelýär+.

Golum bilen milletleri höküm ederin+,

Adalar maňa umyt baglar+,

Kuwwatly golumyň galmagyna garaşarlar.

 6 Başyňyzy göge galdyryň,

Aşak, ýere serediň.

Gökler tüsse kimin dargar,

Ýer eşik kimin çüýrär,

Adamlar çybyn deý öler.

Emma men ebedilik halas ederin+,

Adalatym müdimilik bolar+.

 7 Eý adalaty söýýänler,

Kanunymy* ýüregine ýazanlar+, diňläň!

Başy ölümli ynsan üstüňizden gülse, gorkmaň,

Olar kemsitse, heder etmäň.

 8 Sebäbi güýe olary eşik kimin iýer,

Güýe* olary ýüň kimin dargadar+.

Emma adalatym müdimilik durar,

Gutulyşym nesilden-nesle dowam eder»+.

 9 Ýehowanyň goly, oýan!+

Oýan, güýjüňe güýç goşulsyn!

Rahawy*+ bölek-bölek eden,

Deňiz läheňini parçalan sen dälmi?+

Töleg töläp alan halkyň geçer ýaly,

Deňziň içinden ýol çeken sen dälmi?+

Olar begenip Siona girer+.

Tükeniksiz şatlyk başynyň täji bolar+.

Olar begener, şatlanar,

Gaýgy-gamy unudar+.

Başy ölümli ynsandan,

Ot kimin saralyp-solýan adamdan näme üçin gorkjak?+

13 Asmany ýaýan+, ýeriň düýbüni tutan,

Ýaradanyňyz Ýehowany+ näme üçin unutdyňyz?

Gaharjaň hojaýyn öldürer öýdüp,

Siz her gün gorkup ýördüňiz.

14 Gandala salnan, bili bükülen adam azatlyga çykar+.

Ol ölmez, çukura inmez,

Çörege zar bolmaz.

15 Emma men, Ýehowa, siziň Hudaýyňyz.

Men deňzi çaýkaýaryn, tolkun atdyrýaryn+.

Adym Serkerdebaşy Ýehowadyr+.

16 Size sözümi yglan etdirerin,

Golumyň saýasynda sizi gizlärin+.

Şonda gökleri ýaýaryn, ýeriň düýbüni tutaryn+,

Siona: „Meniň halkym“+ diýerin.

17 Eý Iýerusalim, oýan! Oýan, aýaga gal!+

Sen Ýehowanyň beren gazap käsesinden içdiň.

Sen käseden içdiň,

Käsäni boşatdyň, serhoş bolduň+.

18 Dünýä inderen ogullaryň hiç biri ýol görkezmez,

Kemala getiren ogullaryň hiç biri eliňden tutmaz.

Talanarsyň, weýran bolarsyň,

Açlyk çekersiň, başyňdan gylyç iner+.

Tora düşen dag goçy ýaly,

Köçäniň çatryklarynda çaşyp ýatyrlar.

Ýehowanyň gazap käsesinden içdiler,

Hudaýyň temmisini aldylar».

21 Şerap içmän serhoş bolan aýal,

Görgüli aýal, gulak goý!

22 Halkyny goraýan Hudaý,

Hökümdaryň Ýehowa şeýle diýýär:

«Serhoş edýän käsäni+,

Gazap käsämi eliňden alaryn.

Ondan gaýdyp içmersiň+.

23 Ony saňa sütem edenleriň eline bererin+,

Olar: „Ýere ýüzin düş, seni basgylap geçjek“ diýdiler.

Olar ýerden, köçeden ýörän ýaly,

Arkaňy depeläp geçdiler».