Işaýa

35 Çöl we takyrlyk begener+,

Düzlük şatlanar, zagpyran* deý gül açar+.

 2 Ol hökman gülzarlyga öwrüler+,

Şatlanar, begençden ýaňa aýdym aýdar.

Liwan ýaly şöhrat gazanar+,

Karmel+ we Şaron+ kimin owadan bolar.

Olar Ýehowanyň şöhratyny,

Hudaýymyzyň beýikligini görer.

 3 Ysgyndan gaçan gollara,

Sandyraýan dyzlara güýç-kuwwat beriň+.

Ine, Hudaýyňyz ar almaga geler.

Allaňyz öç alar+.

 5 Şonda körleriň gözi açylar+,

Kerleriň gulagy eşider+.

 6 Agsaklar keýik kimin böker+,

Lallar şatlanyp aýdym aýdar+.

Çölde çeşme-çaýlar akar,

Düzde suwlar çogup çykar.

 7 Gurak ýerler köl bolar, gamyş öser,

Suwsuz toprakda çeşme-çaýlar şarlap akar+.

Şagallaryň mesgeni ýaşyl ota bürener+,

Gamyş we gargy biter.

 8 Ol ýerden şaýol geçer+,

Oňa Mukaddes ýol diýerler.

Diňe saýlananlar oňa gadam basar,

Akylsyzlar aýagyny-da basyp bilmez.

 9 Ol ýerde ýolbars bolmaz,

Ýyrtyjy haýwan gezmez,

Olar asla görünmez+,

Ol ýoldan diňe ýesirlikden azat bolanlar* ýörär+.

10 Ýehowanyň halas edenleri gaýdyp geler+,

Begene-begene Siona barar+,

Gapysynda toý-baýram bolar,

Ýas we dady-perýat zym-zyýat bolar+.