Birinji Korinfliler

8 Indi bolsa butlara berilýän sadakalar hakda aýdaýyn+: şu meselede hemmäniň bilimi bar+. Ýöne bilim adamy tekepbir edýär, söýgi bolsa ruhy taýdan berkidýär+. 2 Kim: «Men muny bilýärin» diýse, ol entek ähli zady bilýän däldir. 3 Kim Hudaýy söýýän bolsa, Hudaý ony tanaýandyr.

4 Butlara berlen sadakalar hakda gürrüň etsem, biz butlaryň peýdasyzdygyny+ we Allanyň ýeke-täkdigini bilýäris+. 5 Gökde we ýerde adamlaryň taňry hasaplaýan+ «hudaýlary», «halypalary» köpdür. 6 Ýöne biz ýeke-täk hak Hudaýyň bardygyny bilýäris+. Ol ähli zady ýaradan Atamyzdyr+, biz onuň üçin ýaşaýarys+. Halypamyz hem birdir, ol Isa Mesihdir. Ähli zat ol arkaly ýaradyldy+ we biz ol arkaly ýaşaýarys.

7 Emma muny hemmeler bilmeýär+. Käbirleri öň butlara sežde edip, olara berilýän sadakalary iýýärdiler, olary gurbanlyk hökmünde kabul edýärdiler+. Indi olaryň ejiz ynsaby ezýet berýär*+. 8 Ýöne nahar* Hudaýa ýakynlaşdyrýan däldir+. Biz iýsek-de hiç zat gazanmaýarys, iýmesek-de hiç zat ýitirmeýäris+. 9 Siziň islän zadyňyzy iýmäge hakyňyz bardyr, ýöne ynsaby ejizlere büdredýän daş* bolaýmaň+. 10 Ynsaby ejiz adam seniň ähli zady bilip-de, buthanada nahar iýýändigiňi görse näme bolar? Onuň hem butlara berilýän sadakalardan iýesi gelmezmi? 11 Sen bilimiň bilen ejiz ynsaply doganyň imanyny gowşadýarsyň*. Mesih bolsa şol dogan üçin janyny gurban etdi+. 12 Sen doganyňa garşy günä edip, onuň ejiz ynsabyna ezýet çekdirýärsiň+. Şeýdip, Mesihe garşy günä edýärsiň. 13 Meniň et iýenim üçin doganym büdreýän bolsa, men asla et iýmerin, doganym-da büdremez+.