Zebur

Aýdymçylaryň ýolbaşçysyna. Karun ogullarynyň+ aýdymy.

47 Eý halklar, çapak çalyň,

Ýeňiş aýdymyny aýdyp, Hudaýy şöhratlandyryň.

2 Beýik Hudaý Ýehowa haýbatlydyr+,

Ýer ýüzüniň Beýik Patyşasydyr+.

3 Ol halklary elimize berýär,

Olary boýun egdirýär+.

4 Ol söwer ogly Ýakubyň buýsanjyny+,

Biziň mirasymyzy saýlap berýär+. (Sela)

5 Ýehowa Hudaý şatlyk sesi bilen,

Surnaýyň owazy bilen gelýär.

6 Wasp ediň, Allany wasp ediň!

Wasp ediň, Patyşamyzy wasp ediň!

7 Hudaý ýer ýüzüniň Patyşasydyr+,

Ony wasp ediň, düşünjeli boluň.

8 Hudaý milletleriň Patyşasydyr+,

Ol mukaddes tagtynda oturandyr.

9 Ybraýymyň Hudaýynyň halky bilen

Milletleriň baştutanlary jem boldular.

Ýer ýüzüniň hökümdarlary* Hudaýyň elindedir.

Hudaýyň şöhraty arşa galýandyr+.