ÝOWEL PYGAMBERIŇ KITABY

 2 «Eý ýaşulular, eşidiň!

Ýurduň ilaty, diňläň!

Ata⁠-⁠babalaryňyzyň günlerinden bäri,

Şeýle zady gören⁠-⁠eşiden barmy?+

 3 Ol hakda ogullaryňyza gürrüň beriň.

Ogullaryňyz hem agtyklaryňyza,

Agtyklaryňyz hem çowluklaryňyza gürrüň bersin.

 4 Uly çekirtgeden galan zady çekirtge sürüsi iýdi+,

Çekirtge sürüsinden galanyny ganatsyz çekirtge iýdi,

Ganatsyz çekirtgeden galanyny

Ýalmap⁠-⁠ýuwudýan çekirtge iýdi+.

Arakhorlar, perýat ediň!

Sebäbi täze şerabyňyz gutardy+.

 7 Olar üzüm agaçlarymy çapdylar,

Injir agaçlaryň töňňesi galdy.

Olaryň gabygyny sypyryp,

Dumly⁠-⁠duşa zyňdylar,

Şahalaryny ýalaňaçladylar.

 8 Adaglysy* aradan çykan,

Ýas eşigini* geýen gyz* ýaly aglaň.

 9 Ýehowanyň öýüne galla+, şerap sadakalary+ getirilmeýär,

Ýehowanyň gullary, ruhanylary ýas tutýarlar.

10 Ekin meýdanlary weýran edildi, toprak ýas tutýar+,

Sebäbi galla ýok edildi, täze şerap, ýag gutardy+.

11 Daýhanlar gorkýarlar, üzümçiler zar⁠-⁠zar aglaýarlar,

Sebäbi bugdaý, arpa,

Ekin meýdanlaryň hasyly zaýalandy.

12 Üzüm agajy saralyp soldy,

Injir agajy gurap galdy.

Nar, hurma*, alma agaçlary,

Meýdanyň ähli agaçlary gurap galdy+.

Il arasynda şatlyk⁠-⁠şagalaň kesildi.

13 Eý ruhanylar, jul* geýip, perýat ediň,

Gurbanlyk ojagynyň* öňünde gulluk edýänler+,

Zaryn⁠-⁠zaryn aglaň.

Allanyň gullary, geliň, gijäni jul içinde geçiriň!

Sebäbi Hudaýyň öýüne şerap+,

Galla sadakasy+ getirilmeýär.

Ýaşulular we tutuş halk Ýehowa Hudaýyň öýüne+ gelip,

Ýehowadan kömek sorap ýalbarsynlar.

Ýehowanyň güni ýetip gelýär+.

Şonda Gudratygüýçli ähli zady ýok eder.

16 Gözümiziň alnynda çöregimizi elimizden aldylar,

Allanyň öýünde şatlyk⁠-⁠şagalaň kesildi.

19 Eý Ýehowa, seni çagyrýaryn!+

Sebäbi öri meýdanlary kül boldy,

Alaw ody ähli agaçlary ýalmap ýuwutdy.

20 Ýabany haýwanlar hem saňa ýalbarýar,

Sebäbi çeşmeleriň ählisi gurady,

Alaw ody öri meýdanlary kül etdi».

Goý, ýurduň halky titresin.

Sebäbi Ýehowanyň güni ýetip gelýär+. Ol gün ýakyndyr!

 2 Ol gün tümlük, garaňkylyk günüdir+,

Bulutly, gap⁠-⁠gara bulutly gündür+,

Daglara düşýän daň şapagy kimindir.

Güýçli bir halk geler, san⁠-⁠sajagy ýokdur+,

Gadymy döwürde⁠-⁠de, geljekki nesillerde⁠-⁠de

Oňa taý geljek ýokdur.

 3 Onuň öňünde ýalmap⁠-⁠ýuwudýan ot,

Yzynda ýakyp kül edýän alaw bardyr+.

Öňünde Erem bagy kimin ýurt+,

Yzynda gurap ýatan çöl bardyr.

Elinden hiç bir zat gutulyp bilmez.

 4 Görnüşi ata meňzeýär,

Söweş bedewleri kimin ýüwrükdir+.

 5 Dagyň depesine çykanda,

Olaryň sesi söweş arabalarynyň güpürdisi kimin+,

Otda ýanýan samanyň şatyrdysy ýalydyr.

 7 Olar pälwan kimin topulýarlar.

Esger kimin diwara dyrmaşýarlar.

Her biri nyzam bilen ýöreýär,

Hiç biri ýolundan sowulmaýar.

 8 Biri⁠-⁠birini iteklemeýärler,

Olaryň her biri nyzam bilen ýöreýärler.

Atylan okdan ýykylsa⁠-⁠da ýoldaşy,

Nyzamyndan çykmaýar gardaşy.

Öýlere dyrmaşyp çykyp,

Penjireden ogry kimin girýärler.

Gün we Aý tutulýar+,

Ýyldyzlar şöhle saçmaýar.

11 Ýehowa goşunynyň+ başynda batly seslener,

Esgerleriniň san⁠-⁠sajagy bolmaz+.

Onuň sözüni ýerine ýetirýän güýçlüdir.

Ýehowanyň güni beýik hem gorkunçdyr+.

12 Ýehowa şeýle diýýär: «Heniz wagt barka,

Bütin ýüregiňiz bilen maňa dolanyň+.

Agyz bekläň+, aglaň, perýat ediň.

13 Diňe ýakaňyzy ýyrtman+, ýürekden toba ediň*+.

Ýehowa Hudaýyňyza dolanyň.

Şonda ol pikirinden dänip*,

Başyňyza betbagtçylyk indermez.

Sebäbi ol mähirli* hem rehimdar,

Giň göwünli*+ hem wepaly söýgä* baý+ Hudaýdyr.

14 Kim bilýär, belki, gahary köşeşer, pikirini üýtgeder*+,

Size bol bereketleri berer.

Şonda siz Ýehowa Hudaýyňyza galla,

Şerap sadakasyny berip bilersiňiz.

17 Minara bilen gurbanlyk ojagynyň*+ arasynda

Ruhanylar bilen Ýehowanyň gullary aglap, şeýle diýsin:

„Ýehowa, halkyňa rehim et!

Halkyňy masgara etme,

Ýat halklar olaryň üstünden agalyk etmesin.

18 Şonda Ýehowa ýurduny gabanjaňlyk bilen gorar.

Halkyna rehimi iner+.

„Indi men size galla, täze şerap, ýag bererin.

Siz doýup ganarsyňyz+.

Indi siz halklaryň arasynda masgara bolmarsyňyz+.

20 Demirgazykdan gelenleri kowaryn.

Men olary takyrlyga hem çöle pytradaryn.

Goşunyň öňüni* gündogar deňzine*,

Yzyny* günbatar deňzine* kowaryn.

Jesetleri porsar.

Porsy ysy älem⁠-⁠jahany tutar+.

Sebäbi Hudaý beýik işleri eder“.

22 Ýabany haýwanlar, gorkmaň!

Sebäbi sähralar ýaşyl dona bürener+.

Agaçlar miwe berer+.

Injir we üzüm agaçlary bol hasyl berer+.

23 Sion ogullary, Ýehowa Hudaýyňyzyň işlerine şatlanyň+.

Sebäbi ol gadymky günlerde bolşy ýaly,

Güýzde ýagyşly⁠-⁠ýagmyrly günleri köpelder.

Siziň üçin çabga, güýz we ýaz ýagyşlaryny ýagdyrar+.

24 Harmanlar galladan dolar.

Çelekler täze şerapdan, ýagdan püre⁠-⁠pür bolar+.

25 Men siziň üstüňize uly goşunymy+:

Çekirtgeleriň sürüsini, ganatsyz çekirtgeleri,

Ýalmap⁠-⁠ýuwudýan çekirtgeleri, uly çekirtgeleri iberdim.

Olar şunça ýyllap zyýan ýetirdi, indi öwezini dolaryn.

26 Siz doýup ganarsyňyz+.

Siziň üçin ajaýyp işleri eden

Ýehowa Hudaýyňyzyň adyna alkyş aýdarsyňyz+.

Halkym indi hiç haçan utanja galmaz+.

27 Meniň ysraýylyň arasyndadygyma+,

Olaryň Hudaýy Ýehowadygyma+ şonda düşünersiňiz!

28 Şondan soňra her biriniň üstüne ruhumy indererin+.

Ogul⁠-⁠gyzlaryňyz pygamberlik ederler.

Gojalaryňyz düýşler,

Ýigitleriňiz görnüşler* görerler+.

29 Men gullarymyň, gyrnaklarymyň üstüne

Şol günler ruhumy indererin.

30 Men asmanda we ýer ýüzünde alamatlary:

Gan, ot we gara tüsse görkezerin+.

31 Ýehowanyň beýik we gorkunç güni gelmezinden öň+,

Gün tümlüge döner, Aý gana boýalar+.

32 Ýehowanyň adyny çagyran her bir adam halas bolar+.

Ýehowanyň aýdyşy ýaly, Sion dagynda,

Iýerusalimde aman galanlar bolar+.

Ýehowanyň çagyranlarynyň başy dik bolar».

3 «Şol döwürde, şol günlerde,

Ýahudanyň we Iýerusalimiň ýesirlerini yzyna getirerin+.

 2 Şonda ähli halklary hem ýygnap,

Ýehoşapat* jülgesine getirerin.

Halkymyň we mirasym Ysraýylyň hatyrasyna,

Olara höküm çykararyn+.

Sebäbi olar halkymy milletleriň arasyna dargatdylar,

Olar meniň ýurdumy özara paýlaşdylar+.

 3 Olar halkym üçin bije atdylar+,

Ahlaksyz aýal bilen ýatmak üçin oglanlary satdylar,

Gyzlary şeraba çalyşdylar.

 4 Eý Tir, Sidon we ähli Pilişt welaýatlary,

Maňa garşy çykmaga neneň milt edip bildiňiz?

Eger şeýle bolsa,

Derrew almytyňyzy bererin+.

 5 Siz meniň altyn⁠-⁠kümşümi olja aldyňyz+,

Hazynamy ybadathanalaryňyza eltip goýduňyz.

 6 Siz Ýahuda we Iýerusalim halkyny

Ýurdundan uzaklara äkidip, greklere satdyňyz+.

 7 Olary satan ýurduňyzdan yzyna getirerin+,

Edenleriňizi öz başyňyzdan indererin.

 8 Men ogul⁠-⁠gyzlaryňyzy ýahuda halkyna sataryn+,

Halkym hem olary uzakda ýaşaýan şebalylara satar,

Sebäbi muny Ýehowa aýtdy.

10 Azallaryňyzdan gylyçlar,

Oraklaryňyzdan naýzalar ýasaň.

12 «Goý, halklar aýaga galyp, Ýehoşapat jülgesine gelsin,

Sebäbi men ol ýere baryp, halklara höküm çykarjak+.

Üzüm sykylýan çukurlar üzümden doldy+,

Geliň, üzümi depeläň.

Çelekler şerapdan dolup daşdy,

Olaryň zalym işleri hetden aşdy.

14 Höküm jülgesine uly märeke ýygnandy,

Sebäbi Ýehowanyň höküm çykarjak güni ýakyndyr+.

15 Günüň, Aýyň ýüzi tutular,

Ýyldyzlar şöhle saçmaz.

16 Ýehowa Siondan arslan kimin arlar,

Ol Iýerusalimden batly ses bilen gygyrar.

Asman we ýer sarsar,

Ýöne Ýehowa halkyna pena bolar+,

Ysraýyl halkyna gala bolar.

Men Sionda, mukaddes dagymda+ bolaryn,

Iýerusalim mukaddes mekan bolar+,

Kesekiler ol ýere aýak basmaz+.

18 Şol gün daglardan täze şerap damar+,

Baýyrlardan süýt akar,

Ýahudanyň çeşmeleri dolup daşar.

Ýehowanyň öýünden akýan çeşme+,

Akasiýa jülgesini suwarar.

19 Emma Müsür harabaçylyga döner+,

Edom çöllüge öwrüler+,

Sebäbi olar ýahuda halkyna zalymlyk etdiler+,

Bigünä adamlaryň ganyny dökdüler+.

20 Ýahuda hemişe ilatly bolar,

Iýerusalimiň halky hiç haçan azalmaz+.

21 Olar näçe gan dökenem bolsa,

Men olaryň günälerini geçerin+,

Ýehowa Sionda mesgen tutar»+.