Şuny bilýäňizmi?
Gadymy Ysraýylda gündelik durmuşynda ýüze çykýan meseleleri çözmek üçin Musanyň kanunyndaky prinsiplere eýerýärdilermi?
HAWA, käte eýerýärdiler. Geliň, olaryň birine seredeliň. Kanun taglymaty 24:14, 15-nji aýatlarda şeýle diýilýär: «Isle ol öz ysraýyl doganyňyz bolsun, isle ýurduňdaky galalarda ýaşaýan gelmişek, garaz, garyp we mätäç günlükçiniň işlän hakyny tutup galmaň... Ýogsam olar siziň garşyňyza Rebbe nalyş bilen ýüz tutarlar we siz günä gazanarsyňyz».
Ýüzünde daýhanyň nalyşy ýazylan küýze bölegi
Aşdod şäheriniň golaýynda b. e. öň VII asyra degişli bolan bir küýze bölegi tapylýar. Onuň ýüzünde şeýle sözler bardy: «Birnäçe gün mundan öň ýygnan hasylymy ammara üýşürenimden soň, Şobaýyň ogly Hoşeýahu geldi-de, men guluň donuny elinden aldy... Aýdýanlarymyň dogrudygyny... şol wagt Günüň astynda meniň bilen zähmet çeken ýoldaşlarymyň bary tassyklar. Men hiç hili nähak iş etmändim... Eger häkim guluň donunyny yzyna alyp bermek baradaky borjuny berjaý etmese, onda muny iň bolmanda maňa haýpy gelip edäýsin! Guluň donsuzka, sen dymmaly dälsiň». Muny bir ýönekeý daýhan aýdan bolmaly.
Taryhçy Saýmon Şama şeýle diýýär: «Bu sözler daýhanyň ýöne bir donuny yzyna almak üçin nalyş edendigini aňlatmaýar. Ol daýhanyň Ýazgylardaky, esasan-da, Lewiler we Kanun taglymaty kitaplaryndaky garyp adamlara ýowuz daraşmaly däldigi baradaky kanuny gowy bilendigini görkezýär».