Sowally bukja

◼ Ýygnagy maddy taýdan goldamak üçin zat satmak ýa-da haýyr-sogap ýygnamak bolýarmy?

Dini guramalaryň köpüsi haýyr-sogap etmek maksady bilen nahar berýärler, zat satýarlar we baýramçylyk edýärler. Käbir adamlar şeýle zatlar gowy maksat bilen edilýändir öýdýärler, ýöne dogrusyny aýdanyňda, bu pul dilemegi aňladýar. Ýehowanyň Güwäçileri şeýle işleri etmeýärler.

1879-njy ýylyň «Garawul diňi» (iňlisçe) žurnalynynyň ikinji sanynda şeýle diýilýär: «Biz buthanalaryň göreldesine eýerip, pul ýygnamak islemeýäris, «Sion garawul diňi» žurnalynyň çap edilmegini ÝEHOWANYŇ goldaýandygyna ynanýarys, şonuň üçin adamlardan hiç haçan kömek soramarys we dilenmeris. Eger mundan beýläk «daglaryň ähli altyny we kümşi Meniňki» Diýýän, bizi serişde bilen üpjün etmese, žurnaly çap etmeli däldigine düşüneris».

Biz Mukaddes Ýazgylardaky: «Tukatlyk ýa mejburlyk bilen däl-de, her kim öz göwnünden çykaranyny bersin. Sebäbi Hudaý begenç bilen bereni söýýändir» diýen prinsipe eýerýäris (2 Kor. 9:7). Eger-de kimdir biri meýletin sowgat bermek islese, Patyşalyk Zalynda meýletin sowgat üçin goýlan gapyrjaga atyp biler (4 Pat. 12:9). Dilegçilik bilen sowgat almak bolmaýar. Meýletin sowgatlar hem bir zat almak üçin berilmeýär.