Bize ynanylan hazyna
1 Pawlus resul Hudaýyň wagyz etmek tabşyrygyny gymmat saýyp, oňa hazyna hökmünde garady (2 Kor. 4:7). Ol synaglara we yzarlamalara garamazdan, bu tabşyrygy ýerine ýetirýär. Ol güýjüni gaýgyrman her bir duşan adama wagyz edýärdi. Pawlus resul gury we suwly ýerde ençeme sapar kyn, howply syýahatlar etdi (Rim. 11:13). Biz Pawlusyň göreldesine eýerip, wagzy gymmatly saýýandygymyzy nädip görkezip bileris? Näme üçin wagyz gullugy örän gymmat hazyna?
2 Örän gymmat hazyna. Maddy baýlyk diňe wagtlaýynça peýda getirýär we köplenç ynjalyksyzlyk döredýär. Wagyz gullugy bolsa, bize we bizi diňleýänlere ebedi peýda getirýär (1 Tim. 4:16). Wagyz arkaly akýürekli adamlara Ýehowa barada bilim almaga, durmuşyny özgertmäge we ebedi ýaşaýşa umyt etmäge kömek berilýär (Rim. 10:13—15). Wagyz gullugyny gymmat saýsak, durmuşymyz manyly bolup, ondan kanagatlanarys we gelejege umyt ederis (1 Kor. 15:58)
3 Hazynany gymmat saýandygyňyzy görkeziň. Bir zady gymmat saýanymyzda, onuň üçin hiç zady gaýgyrmaýarys. Wagtymyzy, güýjümizi sarp edip, Ýehowany şöhratlandyrmak nähili ajaýyp mümkinçilik! (Efes. 5:16, 17). Ruhy zatlara wagtymyzy sarp edip, ony maddy baýlykdan ýokarda goýýandygymyzy görkezýäris. Adamlar bilen bölüşmäge bizde gymmatly hazyna bar. Şol sebäpli, geliň, her bir mümkinçilikden peýdalanyp, höwes bilen hoş habary wagyz edeliň.
4 Gymmat hazynany adatça gizlin saklamaýarlar, ony hemmeleriň görmegi üçin goýýarlar. Biz wagyz gullugyny gymmat saýsak, ol biziň durmuşymyzda esasy orun tutar (Mat. 5:14—16). Geliň, hemişe Pawlus resulyň göreldesine eýereliň, her bir pursatdan peýdalanyp, bize ynanylan hazynany, ýagny wagyz gullugyny gymmat saýandygymyzy görkezeliň!