Hudaýyň Sözüniň gadyryny bilýärsiňizmi?

Mukaddes Kitapda Ýehowa Hudaýyň sözleri we habary bar (2Pe 1:20, 21). Mukaddes Kitapda aýdylmagyna görä, bize gowy gelejek garaşýar. Tizden Hudaýyň Patyşalygy ähli adamlary gowy ýaşaýşa ýetirer. Mukaddes Kitaby okap, gökdäki Atamyz Ýehowanyň häsiýetleri barada hem köp zatlary bilýäris (Zb 86:15).

Ýehowanyň Sözüni gymmat saýmagymyza ençeme sebäpler bar. Ýöne biz ony her gün okaýarysmy? Öwrenen zatlarymyzy durmuşda ulanýarysmy? Şeýtsek, Hudaýyň beren sowgadynyň gadyryny bilýändigimizi görkezeris. Geliň, bizem: «Seniň kanunlaryňy şeýle bir söýýärin» diýen mezmurçy ýaly, Mukaddes Kitaby gymmat saýýandygymyzy iş ýüzünde görkezeliň (Zb 119:97).

«OLAR MUKADDES ÝAZGYLARYŇ GADYRYNY BILÝÄRDILER» DIÝEN WIDEONYŇ UILÝAM TINDAL HAKDA PARÇASYNY GÖRÜP, ŞU SORAGLARA JOGAP BERIŇ:

• 

  Uilýam Tindal Mukaddes Kitabyň käbir parçalaryny näme üçin terjime etdi?

• Tindal Mukaddes Kitabyň terjimesi üçin nähili tagallalary etdi?

• Tindalyň terjimesi nädip Angliýa gizlin geçirildi?

• Biz Hudaýyň Sözüniň gadyryny bilýändigimizi nädip görkezip bileris?