Allanyň saçagyndan doýup-ganyň!

Şahsy okuwyna başlanyňyzda «Şu gün näme öwrensemkäm?!» diýmegiň deregine, «Ýehowa maňa näme öwretjek bolýar?» diýen soragy bermeli. Şonda siz Ýehowanyň pikirine düşünersiňiz we täze-täze zatlary öwrenersiňiz. Size Ýehowanyň öwüt-ündewini kabul etmäge näme kömek eder?

Akyldarlyk diläň. Siz bir temany saýlanyňyzdan soňra: «Ýehowa, maňa öwret, täze pikirleri aç we ýüregim bilen kabul etmäge kömek et» diýip doga ediň (Ýak. 1:5). Emma öz bilimiňize daýanmaň, Ýehowanyň taýýarlan dürdäne pikirlerini gözläň (Nak. 3:5, 6).

Mukaddes Kitabyň gudratly güýji. «Hudaýyň sözi diridir» (Ýew. 4:12). Siz onuň täsirini her gün durmuşyňyzda görmek üçin, Hudaýyň Sözüni okamaly, maslahatlaryny ýürekden kabul etmeli we pespäl bolmaly.

Ýehowanyň bol saçagyndan doýup-ganyň. Hak Allanyň saçagy «näz-nygmatlardan» doly (Işa. 25:6). Ýehowa biziň ruhy saglygymyzyň aladasyny edip, dürli-dümen zatlary taýýarlaýar. Eger onuň taýýarlan ähli «tagamlaryndan dadyp görseňiz», ýagny okasaňyz, şahsy okuwyndan şatlyk taparsyňyz we imany berk mesihçi bolup ýetişersiňiz.