Kongrese gatnaşýanlar üçin maglumat

HYZMAT EDÝÄN DOGANLAR. Hyzmat edýän doganlar size kömek etmek üçin bellenýärler. Şonuň üçin olar bilen hyzmatdaşlyk etmegiňizi haýyş edýäris. Olar size ulagy nirede goýmalydygy, tertip-düzgüne nädip eýermelidigi, nirede oturmalydygy we başga meseleler babatda görkezme bererler.

SUWA ÇÜMDÜRILJEKLER. Suwa çümdüriljekler oturar ýaly birinji hatarda ýörite ýerler goýlar. Olar şenbe güni irden kongrese gelen wagty şol ýerlerde oturmaly. Her kim polotense we suwa çümdürilende geýer ýaly salykatly eşik getirmeli.

PUL SADAKALARY. Kongresde oturylýan ýerler, sesi güýçlendirýän we wideo görkezilýän enjamlar hem-de başga hyzmatlar bolar. Bularyň bary bize kongresiň ýakymly geçmegine we Ýehowa ýakynlaşmaga kömek edýär. Siziň pul sadakalaryňyz şol çykdajylary ödemäge we bütindünýä işini goldamaga ýardam edýär. Sadakalar üçin gutular amatly we görünýän ýerlerde goýlan. Şeýle-de donate.jw.org saýty arkaly sadaka berip bilersiňiz. Ähli sadakalar gymmat saýylýar. Ýolbaşçylyk maslahaty siziň Patyşalyk işlerini jomartlyk bilen goldaýandygyňyz üçin minnetdarlyk aýdýar.

ILKINJI KÖMEK. Diňe gaýragoýulmasyz ýagdaý dörände ýüz tutmaly.

TAPYLAN ZATLAR. Ähli tapylan zatlar şu bölüme getirilmeli. Eger siz bir zadyňyzy ýitirseňiz, şu bölüme ýüz tutup bilersiňiz. Ýiten çagalary hem şol ýere eltip bolýar. Haýyş edýäris, çagalaryňyz ýitmez ýaly göz-gulak bolup, olary ýanyňyzdan aýyrmaň.

OTURYLÝAN ÝERLER. Haýyş edýäris, kongrese gelenlere hormat goýuň. Diňe maşgala agzalaryňyza, siziň bilen bir ulagda gelenlere, bile ýaşaýan ýa-da okuw geçýän adamlaryňyza ýer tutup bilersiňiz. Haýyş edýäris, boş oturgyçlarda zadyňyzy goýmaň.

MEÝLETIN KÖMEK. Siz kongrese kömek etmek isleseňiz, şu bölüme ýüz tutup bilersiňiz.

ÝÖRITE DUŞUŞYK

Hoş habarçylar mekdebi 23—65 ýaş aralygyndaky köpräk gulluk etmek isleýän pionerler ýekşenbe güni günortan arakesme wagty Hoş habarçylar mekdebinde okajaklar üçin geçiriljek duşuşyga çagyrylýar. Duşuşygyň geçiriljek ýeri we wagty öňünden aýdylar.