Täze wagyzçylara öwredip, wagyz etmek tejribäňizi artdyryň

Bu näme üçin wajyp? Isanyň täze şägirtleri tabşyrylan «ähli zatlary» berjaý etmegi, şol sanda adamlara hakykaty öwretmegi öwrenmeli (Mat. 28:19, 20). Ýygnaga täze gelip başlanlar Wagyz mekdebine gatnaşyp, eýýäm köp üstünlikler gazandylar we dogan-garyndaşlaryna hem-de dost-ýarlaryna resmi däl ýagdaýda wagyz edip bilýärler. Emma olaryň öwrenen zatlaryna minnetdarlygy artdygyça we Ýehowanyň hoş habary ähli adamlaryň eşitmegini isleýändigini bilip, wagyzçy bolasy gelýär (Rim. 10:13, 14).Olar çokundyrylmadyk wagyzçy bolansoň, gullukda özüni has ynamly duýup, ruhy taýdan öser ýaly kömek etmeli (Luka 6:40).

Muny nädip etmeli?

Täze wagyzça wagyz etmek we okuw geçirmek üçin gerekli edebiýatlary edinmäge kömek ediň. Wagza nähili edebiýatlary alandygyňyzy görkeziň we olaryň maksadyny düşündiriň.
«Hudaýa gullugymyzdaky» teklipleri saýlap, ony bile taýýarlaň. Täze wagyzçyny teklibi öz sözi bilen aýtmaga höweslendiriň. «Wagyz mekdebi» kitabynyň 82-nji sahypasyndaky wagyz edýän ýerimize gabat gelýän şertleri sahnalaşdyryň. Salykatly geýinmegiň we daş-keşbiň arassa bolmagyň wajypdygyny nygtap geçiň (2 Kor. 6:3, 4).
Öwretmegi dowam ediň. Täze wagyzça meýdançanyň kartoçkasyny görkezip, öýden-öýe wagyz edende, nähili bellikler etmelidigini düşündiriň. Adam gyzyklansa, nähili bellikler etmelidigini görkeziň. Wagyzda jw.org saýtyny nädip ulanmalydygyny öwrediň. Ol birini gyzyklandyrsa, şol adamyň höwesini artdyrmak üçin kömek ediň (1 Kor. 3:6).
Sabyrly bolup, ony öwüň (Sül. tym. 25:11).Özüňiz gowy görelde görkeziň. Yhlasly bolsaňyz we wagyzçy bilen gyzyklansaňyz, gelejekde oňa gowy täsir eder.

Aýyň dowamynda şuny etmäge çalşyň:

Mukaddes Ýazgylar okuwyny geçýäniňiz bilen öýden-öýe wagyz ediň we ony ikilenç idege ýa-da Mukaddes Ýazgylar okuwyna alyp gidiň. Eger hiç kim bilen Mukaddes Ýazgylar okuwyny geçmeýän bolsaňyz, tejribesi az wagyzçy bilen gulluga gidiň.