Audioýazgylardan nädip peýdalanmaly?
1. Edebiýatlarymyzdan başga ýene-de nämeden peýdalanyp bileris?
1 Köp adamlar jw.org saýtymyzdan «hakykat sözlerini» okap şatlyk tapýarlar (Wag. 12:10). Siz hem audioýazgylardan peýdalanýarsyňyzmy? Eger şeýtseňiz, web-saýtymyzdan köp maglumatlary diňläp bilersiňiz. Biz audioýazgylarymyzdan nädip peýdalanyp bileris?
2. Biz şahsy ýa-da maşgala okuwynda audioýazgylardan nädip peýdalanyp bileris?
2 Şahsy ýa-da maşgala okuwynda. Biz bir ýere gidenimizde ýa-da gündeki işleri edenimizde, Mukaddes Ýazgylaryň, žurnallaryň ýa-da başga edebiýatlaryň audioýazgylaryny diňlesek, wagtymyzy has-da peýdaly ulanmaga kömek eder (Efes. 5:15, 16). Biz maşgala okuwynda geçýän edebiýatymyzy yzarlap, onuň audioýazgysyny diňlesek, bu has-da gyzykly bolar. Eger biz şahsy okuwynda audioýazgylarymyzy diňlesek, has gowy okamaga we öwrenýän dilimizi gowulandyrmaga kömek eder.
3. Audioýazgylary kimlere peýdaly bolup biler?
3 Wagyzda. Biziň ýaşaýan ýerimizdäki adamlar okamagy kyn görüp, diňlemegi gowy görmekleri mümkin. Şeýle-de biz daşary ýurt dilinde gepleýänlere ýa-da hoş habary öz «ene dilinde» eşitmek isleýän adamlara duşup bileris (Res. iş. 2:6—8). Käbir medeniýetlerde diňlemeklik wajyp hasaplanylýar. Meselem, hmonglaryň medeniýetinde adamlar taryhyny nesilden-nesle geçer ýaly ýaşlara gürrüň berip, doly maglumaty aýdypdyrlar. Afrikada ýaşaýan adamlar hem her dürli hekaýalary diňlemegi gowy görüpdirler.
4. Biz adamlara kömek etmek üçin özümize nähili soraglary bermeli?
4 Ýaşaýan ýeriňizdäki adamlara ene dilindäki audioýazgyny diňletmek peýdaly bolarmy? Ýa-da kimdir birine elektron poçta arkaly edebiýatlarymyzyň audioýazgysyny ibersek peýdaly bolar? Belki-de, haýsydyr bir edebiýatymyzyň audioýazgysyny ýükläp, soňra CD-diskine ýazdyryp ýa-da onuň çap edilen görnüşini gyzyklanýan adama berip bileris? Eger biz wagyzda kimdir birine kitabyň elektron görnüşini, broşýurany, žurnaly ýa-da kitapçany bersek, ony wagyz hasabatymyza ýazyp bileris. Audioýazgylar şahsy okuwyny geçirmek we Patyşalyk tohumyny ekmek üçin niýetlenip çykaryldy (1 Kor. 3:6).