Lutuň aýalyny ýada salyň

Lutuň aýaly Sodomdan gaçyp barýarka, näme üçin yzyna seredýär? Mukaddes Ýazgylarda bu barada aýdylmaýar (Gelç 19:17, 26). Isanyň sözlerinden görnüşi ýaly, Lutuň aýaly yzynda galdyran zatlaryna gynanan bolmaly (Lk 17:31, 32). Hudaýy närazy eden Lutuň aýalyna meňzemez ýaly, biz näme edip bileris? Biz baýlyga kowalaşmagyň durmuşymyzda wajyp bolmagyna ýol bermeli däl (Mt 6:33). Isa «Hudaýyň hem baýlygyň guly bolup bilmejekdigimiz» barada öwretdi (Mt 6:24). Eger-de biz maddy zatlaryň ruhy işlerden ünsümizi sowýandygyny duýsak, näme etmeli? Biz nähili özgerişik etmelidigini biler ýaly, Ýehowadan akyldarlyk soramaly we hereket etmek üçin batyrgaýlyk hem-de güýç bermegini dilemeli.

«LUTUŇ AÝALYNY ÝADA SALYŇ» ATLY FILMIŇ III BÖLÜMINI GÖRÜP, AŞAKDAKY SORAGLARA JOGAP BERIŇ:

• 

  Gloriýanyň köp pul gazanmak höwesi pikirlenişine, gepleýşine we özüni alyp barşyna nähili täsir etdi?

• Lutuň aýalynyň mysalyndan näme öwrenip bileris?

• Mukaddes Ýazgylaryň prinsipleri Joý bilen maşgalasyna nädip kömek etdi?

• Annanyň işdeşleri bilen gatnaşmagy ruhy taýdan nähili täsir etdi?

• Köpräk pul gazanmaga höweslendirseler, näme üçin batyrgaý bolmaly?

• Braýn bilen Gloriýa ruhy işleri ýene-de nädip birinji orunda goýdular?

• Siz bu filmde Mukaddes Ýazgylaryň haýsy prinsiplerine üns berdiňiz?