Şahsy okuwyny has köp peýda alar ýaly edip geçiriň

NÄME ÜÇIN WAJYP? Hudaýyň Sözüni özbaşdak öwrensek, «hakykatyň giňligine, uzynlygyna, beýikligine we çuňlugyna doly düşünip bileris» (Ef 3:18). Şeýle-de şahsy okuwyny geçirmek zalym dünýäde aýypsyz hem çirksiz bolmaga we «ýaşaýyş sözüne berk ýapyşmaga» kömek edýär (Fp 2:15, 16). Hudaýyň Sözüni özbaşdak öwrenenimizde, özümize degişli maglumatlary saýlap bilýäris. Mukaddes Ýazgylary okanymyzda we öwrenenimizde köpräk peýda alar ýaly näme edip bileris?

NÄDIP ETMELI?

• Mukaddes Ýazgylary elektron ýa-da çap edilen görnüşinde okasaňyz-da, aýatlaryň aşagyny çyzyň ýa bellik ediň.

• Hudaýyň Sözüni okanyňyzda, özüňize şeýle soraglary beriň: «Kim? Näme? Haçan? Nirede? Näme üçin? Nädip?»

• Köpräk maglumat toplaň. Munuň üçin gurallary ulanyp, tema ýa-da aýat boýunça gözleg geçiriň.

• Okan zatlaryňyzy durmuşyňyzda nädip ulanyp biljekdigiňiz hakda oýlanyň.

• Öwrenen zatlaryňyzy durmuşyňyzda ulanyň (Lk 6:47, 48).

«ÇUŇŇUR ŞAHSY OKUWYNY GEÇIRIP, HUDAÝYŇ SÖZÜNE BERK ÝAPYŞYŇ» ATLY WIDEONY GÖRÜP, AŞAKDAKY SORAGLARA JOGAP BERIŇ:

• Käbir dogan-uýalar şahsy okuwy barada näme diýýär?

• Biz şahsy okuwyny näme üçin her gezek doga edip başlamaly?

• Okaýan zatlarymyza has gowy düşünmäge näme kömek edýär?

• Mukaddes Ýazgylary öwrenenimizde nähili bellikler edip bilýäris?

• Hudaýyň Sözüni öwrenenimizde näme üçin oýlanmak örän wajyp?

• Öwrenenimizden soň näme etmeli?