Gürrüňdeşlik üçin teklipleri nädip ulanmaly?

2018-nji ýylyň ýanwar aýyndan başlap, «Mesihçileriň durmuşy we wagzy. Okuw depderiniň» daşky sahypasynda gürrüňdeşlik üçin teklipler ýerleşdirildi. Olary nädip ulanmaly?

Ýygnakda ýumuş tabşyrylanda: siz soraglary, aýatlary hem-de gürrüňdeşlik üçin tekliplerde getirilen ideg üçin soraglary ulanmaly. Emma bu siziň olary sözme-söz aýtmalydygyňyzy aňlatmaýar. Siz başga ýagdaýy, başga giriş sözlerini, pikirleriň baglanyşygyny we şuňa meňzeş zatlary saýlap bilersiňiz. Şeýle-de görkezmede şol hakda aýdylmasa-da, «Öwretmek üçin niýetlenen esbaplarymyzdaky» edebiýatlardan birini teklip edip bilersiňiz.

Wagyzda: gürrüňdeşlik üçin teklipler gowy pikir tapmaga kömek etmek üçin niýetlenen. Adam gyzyklansa we köpräk bilmek islese, gürrüňi dowam eder ýaly, gaýtadan ideg üçin getirilen teklipleri ulanyp bilersiňiz. Mundan başga-da gürrüňdeşlik üçin teklipleri biraz üýtgedip ýa-da bütinleý başga bir pikiri aýtsaňyz bolýar. Mümkin, ýaşaýan ýeriňizdäki adamlar şu aýky teklibi ýa-da başga aýady has gowy diňlär. Ýa-da ýaňy-ýakynda bolup geçen ýerli waka ýa-da täzelik olara has gyzykly bolar. Gürrüňdeşlik üçin teklipleri her dürli edip ulansaňyz-da, siziň esasy maksadyňyz «ähli adamlara hoş habary wagyz etmek» bolmaly (1Kr 9:22, 23).