Wagyzda JW.ORG saýtynyň baş sahypasyny ulanyň

Saýtymyzyň baş sahypasyndaky makalalar we wideolar akýürekli adamlary gyzyklandyrmak üçin çykarylýar (Res 13:48). Olarda täzelikler we adamlary biynjalyk edýän temalar hakda aýdylýar.

Siz wagyzda jw.org saýtynyň baş sahypasyny nädip ulanyp bilersiňiz?

• Saýta ýygy-ýygydan girip duruň. Täze çykan zatlar bilen tanyş boluň we olary wagyzda nädip ulanyp biljekdigiňiz hakda oýlanyň (ýaňy-ýakynda çykan başga-da zatlary görmek üçin baş sahypadaky «Köpräk maglumaty görmek» diýen ýere basyň). Saýtymyzdaky täze zatlar bilen tanyş bolsaňyz, ökdelik bilen wagyz edip bilersiňiz.

• Baş sahypadaky makalalar we wideolar arkaly gürrüňe başlaň. Olar ýaşaýan ýeriňizdäki adamlary nämäniň biynjalyk edýändigini bilmäge kömek edýär.

• Wagyz edeniňizde saýtymyzyň baş sahypasyny görkeziň. Ol ýerde haýsy temalaryň bardygyny we saýty nädip ulanmalydygyny görkeziň.

• Salgyny paýlaşyň. Käbirleri biziň bilen gürleşmek islemese-de, saýtymyza höwes bilen girýärler. Şonuň üçin gyzyklanan adama saýtymyzyň baş sahypasynyň ýa-da belli bir makalanyň, wideonyň salgysyny ibermäge ýaýdanmaň.