Hudaýyň Patyşalygy haçan höküm sürüp başlady? DOWAMY

NAWUHODONOSORYŇ DÜÝŞÜNIŇ GYSGAÇA DÜŞÜNDIRILIŞI

Kasym: Seýran, nähili gowumyň? Otyrmyň? Berekella, sen her hepde sapagyňya sypdyrman geçýärsiň.

Seýran: Ýagşy, sag bol! Özüňem gowumy?

Kasym: Hawa, sag bol, menem gowy. Geçen sapar Hudaýyň Patyşalygynyň 1914-nji ýylda höküm sürüp başlandygy hakda gürrüň edipdikb. Munuň esasy sebäbini Danyýar kitabynyň 4-nji babyndaky pygamberliklerden bilipdik. Ýadyňa düşýärmi, ol ýerde näme hakda aýdylýardy?

Seýran: Hawa, şol Nawuhodonosor patyşanyň uly agaç baradaky düýşi aýdylýardy öýdýän.

Kasym: Hawa, edil özi. Ol düýşünde depesi göge ýetýän ägirt uly agajy görýär. Soňra Hudaýyň perişdesi oňa agajyň çapylyp, töňňesiniň baglanyp galjakdygyny aýtdy. Ýöne ýedi döwür geçensoň, agaç ýene-de ösýärc. Şol düýş pygamberlikdi. Biz onuň iki gezek ýerine ýetendigi hakda-da gürrüň edipdik. Ýadyňa düşýärmi, birinji gezek nädip ýerine ýetipdi?

Seýran: Ýalňyşmasam, Nawuhodonosor patyşanyň özünde ýerine ýetipdi. Onuň ýedi ýyllap akyly üýtgeýär dälmi?!

Kasym: Dogry aýtdyň. Ol akylyndan azaşansoň, biraz wagtlyk hökümdarlyk etmegini bes edýär. Şol düýşüň ikinji gezek ýerine ýetişi bolsa, Hudaýyň hökümdarlygy bilen baglydy. Hudaýyň Patyşalygy hem ýedi döwür höküm sürmeýär. Biz şol döwrüň b. e. öň 607-nji ýylda Iýerusalim weýran edilende başlandygyny bildik. Şondan soň şa neslinden hiç kim Ýehowanyň tagtynda oturmady. Ýöne ýedi döwrüň ahyrynda Hudaý täze bir patyşany belleýär. Ol gökdäki tagtda oturmalydy. Başgaça aýtsak, Hudaýyň Patyşalygy ýedi döwür tamamlanansoň höküm sürüp başlamalydy. Geçen sapar hem ýedi döwrüň haçan başlandygyny bildik. Diýmek, ýedi döwrüň näçe wagty öz içine alýandygyny bilsek, onda Hudaýyň Patyşalygynyň hem haçan höküm sürüp başlandygyny bileris. Indi hemme zat ýadyňa düşdümi?

Seýran: Hawa, hawa, häzir gaýtalanymyz gowy boldy. Hemmesi ýadyma düşdi.

Kasym: Gaty gowy. Gel, onda ýedi döwür hakda köpräk bileli. Özümem şu tema bir gezek göz aýladym. Indi saňa düşündirjek bolaýyn.

Seýran: Bolýar.

ÝEDI DÖWÜR GUTARÝAR, SOŇKY GÜNLER BAŞLANÝAR

Kasym: Pygamberlik birinji gezek Nawuhodonosorda ýerine ýetende, ýedi döwür ýedi ýyly aňladýardy. Pygamberlik ikinji gezek ýerine ýetende bolsa, ol ýedi ýyldan has köp wagty öz içine alýardy.

Seýran: Muny nädip bilýärsiň?

Kasym: Sebäbi b. e. öň 607-nji ýylda Iýerusalim weýran edilende ýedi döwür başlandy diýipdik. Şondan ýedi ýyl geçensoň, ýagny b. e. öň 600-nji ýylda Hudaýyň Patyşalygy bilen bagly hiç hili üýtgeşik waka bolmady. Şondan birnäçe asyr geçensoň, Isa pygamber ýerde ýaşan döwri şol ýedi döwrüň entek tamamlanmandygyny aýdypdy.

Seýran: Hä, hawa, indi ýadyma düşdi.

Kasym: Diýmek, ýedi döwür ýedi ýyly däl-de, has köp wagty öz içine alýar.

Seýran: Näçe wagty?

Kasym: Ylham kitabynda-da Danyýar kitabyndaky ýaly meňzeş pygamberlikler bar. Olar bize şol ýedi döwrüň näçe wagty öz içine alýandygyna düşünmäge kömek edýär. Ol ýerde üç ýarym döwrüň 1 260 güne deňdigi aýdylýard. Üç ýarym döwri hem ikä köpeltseň, ýedi döwür bolýar. Ýedi döwrüňem 2 520 gün bolýar. Nähili, düşnüklimi?

Seýran: Hawa, düşnükli welin, onuň 1914-nji ýyl bilen baglanyşygyny göremok.

Kasym: Bolýar, häzir ony hem biläýeris. Käwagt Mukaddes Kitapda bir gün diýlende, bir ýyl göz öňünde tutulýare. Diýmek, ýedi döwür 2 520 ýyl bolýar. Indi b. e. öň 607-nji ýyldan 2 520 ýyla çenli hasaplasaň, 1914-nji ýyla düşýärf. Diýmek, 1914-nji ýylda ýedi döwür tamamlanyp, Hudaýyň Patyşalygy höküm sürüp başlaýar. Onuň patyşasy Isa. 1914-nji ýyldan bäri ýer ýüzünde uly üýtgeşiklikler bolup geçýär. Mukaddes Kitapda-da şondan soň soňky günleriň başlanjakdygy aýdylypdy.

Seýran: Nähili üýtgeşiklikler bolmalydy?

Kasym: Matta 24:7-de Isa pygamberiň sözleri ýazylan. Ol gökde höküm sürüp başlansoň, şeýle wakalaryň boljakdygy aýdylypdy: «Millet millete, patyşalyk patyşalyga garşy çykar, käbir ýerlerde açlyk we ýertitremeler bolar». Üns beren bolsaň, Isa şol döwür açlygyň, ýertitremeleriň boljakdygyny aýdypdy. Özüňem görýänsiň, şondan bäri şu zatlar has köp bolýar.

Seýran: Onyň-a dogry.

Kasym: Şu aýatda Isa uruşlaryňam boljagyny aýdypdy. Ylham kitabynda ýöne bir tire-taýpalaryň arasyndaky uruş däl-de, eýsem bütin dünýä täsirini ýetirjek uly uruşlaryň boljagy aýdylypdyg. Birinji jahan urşy ýadyňa düşýärmi, haçan boldy?

Seýran: Hawa, 1914-nji ýylda. Bäh, onda Isa şol ýyl höküm sürüp başlapdyr-da. Men bu hakda öň oýlanmandyryn.

Kasym: Bu zatlaryň ählisini göz öňünde tutsak, onda ýedi döwür, şeýle-de Mukaddes Kitapdaky soňky günler baradaky pygamberliklere düşüneris. Biz 1914-nji ýylda Isanyň patyşa bolandygyna we şol ýylam soňky günleriň başlandygyna ynanýarysh.

Seýran: Indi düşünip başladym öýdýän.

Kasym: Men seniň ýagdaýyňa düşünýän, menem başda derrew düşünmedim. Üns beren bolsaň, Mukaddes Kitapda 1914-nji ýyl barada agzalmaýar. Ýöne biziň gürrüňdeşligimiz saňa ynanýan zatlarymyzyň Mukaddes Kitaba esaslanýandygyna düşünmäge birazam bolsa kömek edendir.

Seýran: Hawa, özem nähili kömek edýär. Sen bir zady aýdanyňda, öz pikiriňi däl-de, Mukaddes Kitapdan düşündirýärsiň. Ýöne gaty çylşyrymly. Hudaý näme üçin Mukaddes Kitapda Isanyň 1914-nji ýylda gökde höküm sürüp başlajakdygyny ýazdyrmadyka?

Kasym: Seýran, sen gowy sorag berdiň. Mukaddes Kitapda köp zatlar açyk aýdylmaýar. Dogrudanam? Hudaý näme üçin Mukaddes Kitaby adamlaryň özleri okap, düşünjek bolar ýaly edip ýazdyrdy. Bu barada seniň bilen indiki gezek gürrüň edäýeris.

Seýran: Bäh, bileli. Gyzykly sorag.