• Ol Hudaýyň halkyny halas etdi
    Olaryň imanyndan görelde alyň

    • 22. Ester näme üçin patyşanyň ýanyna barmaga gorkýardy? (Şeýle-de çykgyda seret).

      22 Ester bu habary eşidip, gaty aljyraňňy ýagdaýa düşýär. Onuň imany güýçli synalýar. Ester Mordekaýa gorkýandygyny aýdyp, patyşanyň kanunyny ýatladýar. Patyşanyň ýanyna çakylyksyz baran adama ölüm jezasy berilýärdi. Ýöne patyşa altyn hasasyny uzatsa, ölüm jezasy berilmeýärdi. Ester rehim edilmegine garaşmaýardy, sebäbi şa aýaly Waşty patyşanyň buýrugyny ýerine ýetirmekden boýun gaçyranda, oňa rehim edilmedi. Ester 30 günden bäri patyşanyň ýanyna çagyrylmandy! Şonça wagt çagyrylmansoň, ol indi ynjyk patyşanyň mährini gazanyp bilmerin öýdýärdig (Est. 4:9—11).

  • Ol Hudaýyň halkyny halas etdi
    Olaryň imanyndan görelde alyň

    • g Kserks patyşa ynjyk we gaty zalym adamdy. Grek taryhçysy Gerodot Kserks patyşanyň Gresiýa garşy bolan söweşinden birnäçe mysal getirýär. Patyşa Gellespont bogazynda gämilerden panton köprüsini gurmagy buýurýar. Harasat köprini ýumranda, Kserks patyşa ony guran inženerleriň kellesini aldyrýar we Gellespont bogazyna sögünip, suwuny gamçyladyp «temmi berýär». Şol uruşda hem bir baý adam ogluny söweşe ugratmazlygy haýyş edende, patyşa onuň ogluny ikä bölüp, adamlaryň gözüni gorkuzmak üçin hemmeleriň öňünde jesedini serip goýýar.