Mukaddes Kitapda adamyň «ömrüniň gysgadygy, jebir-jepadan doludygy» aýdylýar (Eýýup 14:1). Hudaý adamlary kösenip ýaşamagy üçin ýaratdymy? Ýok, ol bizi bagtly ýaşatmak üçin ýaratdy. Ýöne şol durmuş haçan bolar? Geliň, Mukaddes Kitapdan bileliň.

1. Ýehowa adamlaryň nähili ýaşamagyny isleýär?

Hudaý her bir adamyň gowy ýaşamagyny isleýär. Ol Adam ata bilen How enäni ýaradyp, olary Erem bagy diýen owadan ýere eltdi. Soňra olara: «Perzent dünýä indirip, köpeliň, ýer ýüzüni dolduryň we eýeçilik ediň» diýdi (1 Musa 1:28). Ýehowa olara çaga dünýä indirmegi, bütin ýer ýüzüni Erem bagy ýaly jennete öwürmegi we haýwanlaryň aladasyny etmegi tabşyrypdy. Ol ähli adamlaryň tut ýaly sagdyn bolup, ebedi ýaşamagyny isleýär.

Şu wagt adamlar gowy durmuşda ýaşamasalar-daa, Hudaý olary başdaky ýaly eşretli durmuşa hökman ýetirer (Işaýa 46:10, 11). Ýehowa wepaly adamlaryň gülala-güllükde ebedi ýaşamagyny isleýär (Ylham 21:3, 4-nji aýatlary oka).

2. Biz häzirden nädip bagtly ýaşap bileris?

Ýehowa adamlaryň ýüregine Hudaýy tanamak we sežde etmek islegini guýdy (Matta 5:3—6-njy aýatlary oka). Ýehowa biziň bilen dostlaşmak isleýär. Ol seniň hak ýoldan ýöräp, Allatagala bütin ýüregiň bilen gulluk etmegiňi we söýmegiňi isleýär (5 Musa 10:12; Zebur 25:14). Eger Ýehowa gulak asyp ýaşasak, kynçylyklara garamazdan, bagtly bolarys, durmuşymyz manyly bolar.

3. Ýehowa adamlary gowy ýaşatmak üçin ýaratdy

WIDEONY görüp, aşakdaky sorag boýunça gürrüňdeş boluň.

WIDEO: «Hudaý ýeri näme üçin ýaratdy?» (1:41)

• Hudaý näme üçin owadan Ýer şaryny ýaratdy?

Nesihat 3:11-i okap, aşakdaky sorag boýunça gürrüňdeş boluň.

• Hudaý bizi näme niýet bilen ýaradypdyr?

4. Ýehowanyň niýeti hökman ýerine ýeter

Zebur 37:11, 29 we Işaýa 55:11-nji aýatlary okap, aşakdaky sorag boýunça gürrüňdeş boluň.

• Ýehowa niýetini näme üçin hökman ýerine ýetirer?

5. Ýehowa gulak assak, bagtly ýaşarys

WIDEO: «Näme üçin ýaradylandygymy bildim» (5:03)

• Adamlaryň näme üçin ýaradylandygyny bilende, Teruminiň durmuşy nähili boldy?

Nesihat 12:13-i okap, aşakdaky sorag boýunça gürrüňdeş boluň.

• Hudaýyň eden ýagşylyklaryna nädip minnetdar bolup bileris?

ESASY PIKIRLER

Ýehowa adamlary ýer ýüzünde gowy şertlerde ebedi ýaşatmak isleýär. Biz Ýehowa gulak asyp ýaşasak, häzirden bagtly bolup bileris.

Gaýtalamak

• Ýehowa Adam ata bilen How enäni näme üçin ýaratdy?

• Hudaýyň başdaky niýeti näme üçin hökman ýerine ýeter?

• Sen häzirden nädip bagtly bolup bilersiň?

KÖPRÄK BILIŇ

Erem bagy hakykatdanam ýer ýüzünde bolupdyr.

«Erem bagy dogrudanam bolupdyrmy?» («Garawul diňi» 1 ýanwar, 2011)

Ýer şary hiç haçan ýok bolmaz.

«Ýer ýok bolarmy?» (Internet makala)

Mukaddes Kitapdan durmuşyň manysy hakda öwreniň.

«Durmuşyň manysy näme?» (Internet makala)

Bir adam durmuşynda ýetmeýän zadyny tapýar.

«Durmuşda ýetmeýän zadymy tapdym» (3:55)

2. Isa Mesihiň ýeke özi höküm sürermi?

Mukaddes Kitapda aýdylmagyna görä, gökde Isa bilen 144 000 adam höküm sürer. Olar «her taýpadan, her dilden, her halkdan we her milletden» (Ylham 5:9, 10; Ylham 14:1—4-nji aýatlary oka). Olar Isanyň ýerdäki şägirtleriniň arasyndan saýlanyp alynýar. Galan şägirtleri bolsa Patyşalygyň ýerdäki raýatlary bolup ýaşar (Zebur 37:29).

Hudaýyň Patyşalygy eýýäm gökde höküm sürýär. Ol tizden ýer ýüzünde köp zatlary üýtgeder. Geliň, Hudaýyň Patyşalyk arkaly etjek işlerini bileliň.

1. Ýer ýüzünde parahatlygy we adalaty nädip dikelder?

Hudaýyň Patyşalygynyň patyşasy Isa Armageddon söweşinde erbet adamlary we hökümetleri ýok eder (Ylham 16:14, 16). Şonda Mukaddes Kitapdaky: «Ýene biraz wagtdan erbet ýok bolar» diýen pygamberlik doly ýerine ýeter (Zebur 37:10). Isa Patyşalyk arkaly ýeriň ähli künjeginde adalaty dikelder, parahatlyk höküm sürer (Işaýa 11:4-i oka).

2. Ýer ýüzünde nähili ýaşaýyş bolar?

Hudaýyň Patyşalygy höküm sürende, «dogruçyl adam ýeri miras alar, onda ebedi ýaşar» (Zebur 37:29). Göz öňüne getir, şonda diňe gowy adamlar, Ýehowany we bir-birini söýýän adamlar ýaşar. Keselçilik hem ölüm bolmaz.

3. Patyşalyk erbetligi ýok edip, soňra nämeler eder?

Isa erbetligi ýok edip, soňra 1000 ýyllap patyşa bolar. Ol 144 000 saýlananlar bilen adamlary günäden arassalar, kämil bolmaga kömek eder. Müň ýylyň ahyrynda ýer ýüzi Jennet bolar, ähli adamlar Ýehowa gulak asyp, bagtly ýaşar. Iň soňunda, Isa Patyşalygy Atasy Ýehowa gaýtaryp berer. Şonda Ýehowanyň «ady mukaddes bolar» (Matta 6:9, 10). Hemmeler Ýehowanyň adamlaryň aladasyny edýän iň gowy hökümdardygyna düşüner. Soňra Ýehowa Şeýtany, jynlary we hökümdarlygyna garşy çykýanlary ýok eder (Ylham 20:7—10). Hudaýyň Patyşalygy ebedilik höküm sürer, durmuş gülala-güllük bolar.

SÖHBETDEŞLIK

4. Hudaý ýerdäki hökümetleri ýok eder

«Bir adamyň beýleki adamyň üstünden hökümdarlyk etmegi hemişe zyýanly ekeni» (Nesihat 8:9). Hudaý Patyşalygy arkaly hökümetleriň ýetiren zyýanyny aýrar.

Danyýar 2:44 we 2 Selanikliler 1:6—8-nji aýatlary okap, aşakdaky soraglar boýunça gürrüňdeş boluň.

• Ýehowa bilen Isa ýerdäki hökümetleri we olary goldaýanlary näme eder?

• Ýehowa bilen Isanyň adalatly hem dogruçyl boljagyna näme üçin ynanyp bilersiň?

5. Isa — iň gowy patyşa

Isa adamlara köp ýagşylyk eder. WIDEONY görüň. Isa ýerde ýaşanda, adamlara kömek etmek isleýändigini we güýjüniň ýetýändigini görkezipdi.

WIDEO: «Isa Patyşalygyň etjek işlerini görkezdi» (1:13)

Isa ýer ýüzünde ýaşanda, Patyşalyk arkaly nämeleri etjekdigini görkezipdi. Sen Hudaýyň berjek bereketleriniň haýsysyny görmek isleýärsiň? Aýatlary okap, şol bereketler hakda köpräk biliň.

6. Ajaýyp durmuş bolar

WIDEO: «Ajaýyp durmuşda ýaşarys» (4:38)

Zebur 145:16-ny okap, aşakdaky sorag boýunça gürrüňdeş boluň.

• Ýehowanyň «her bir adamy we haýwany... doýurjakdygy» saňa nähili täsir edýär?

ESASY PIKIRLER

Hudaý Patyşalygy arkaly etjek diýen zadyny hökman eder. Ol bütin ýer ýüzüni Jennet eder, gowy adamlar Ýehowa hemişe gulak asar.

Gaýtalamak

• Hudaý Patyşalygy arkaly adyny nädip mukaddes eder?

• Hudaýyň wadalarynyň hökman ýerine ýetjekdigine näme üçin ynanýarsyň?

• Sen Hudaýyň haýsy wadalarynyň ýerine ýetmegine garaşýarsyň?

KÖPRÄK BILIŇ

Armageddon barada köpräk öwreniň.

«Armageddon söweşi näme?» (Internet makala)

Agyr muşakgatda nämeler bolar? (Matta 24:21)

«Agyr muşakgat näme?» (Internet makala)

Maşgalaňyz bilen Jenneti göz öňüne getiriň.

«Jenneti göz öňüne getir» (1:50)

Hökümete garşy çykan adam köp soraglaryna jogap tapýar.

«Mukaddes Kitap durmuşyňy üýtgedýär» («Garawul diňi» 1 ýanwar, 2012)