1:2, 3 — Näme üçin gyz çopan oglanyny ýatlanda, onuň mährini şerap, adyny hoşboý ysly ýag bilen deňeşdirýär? Şerabyň ynsan ýüregini şatlandyryşy we mür, ýagny hoşboý ysly ýagyň başa çalnanda göwnüňi hoş edişi ýaly, gyz söýgülisini ýadyna salanda, oňa goldaw we teselli berýärdi (Zebur 23:5; 104:15). Mesihçiler, ylaýta-da, mesh edilenler Isa Mesihiň olara bildiren söýgüsi hakynda oýlananda, goldaw tapyp ruhlanýarlar.

1:1; 2:6. Arassa, mähirli duýgular diňe durmuş gurmak isleýän ýigit bilen gyzyň arasynda bildirilmeli. Emma olar bu duýgularyny arassa saklamak üçin, jynsy ahlaksyzlyga eltjek hyjuwly duýgulardan seresap bolmaly (Galatýalylar 5:19).