8, 9. Ýehudylar ýüreklerini näme etmelidiler?

⁸ Hudaý ýehudylara «pis ýollaryndan dönmegi, ýaşaýşyny we hereketlerini düzetmegi» maslahat berdi (Ýer. 18:11). Olaryň ýüreginiň erbet bolandygy üçin, edýän işleri-de erbetdi (Markus 7:20—23-nji aýatlary okaň). Hawa, Hudaý Ýermeýa arkaly ýehudylary erbet işlere nämäniň iterýändigini anyk görkezdi. Olaryň ýüregi kesirdi; niýetleri we pikirleri ýaramazdy (Ýermeýa 5:23, 24; 7:24—26-njy aýatlary okaň). Hudaý olara şeýle maslahat berdi: «Men-Reb üçin ýüregiňizi sünnetläň» (Ýer. 4:4).

⁹ Ýermeýanyň döwründäki ýehudylar hem Musanyň döwründäki ysraýyllylar ýaly «ýüreklerini sünnetlemelidiler», ýagny göçme manydaky ýüreklerine bejergi almalydylar (Kan. tag. 10:16; 30:6). «Ýüregi sünnetlemek» bu Ýehowanyň tabşyryklaryna garşy gelýän pikiri, höwesleri we niýetleri ýüregiňden kesip taşlamagy aňladýar (Res. iş. 7:51).

11, 12. a) Näme üçin biziň her birimiz ýüregimizi barlamaly? b) Hudaý näme etmeýär?

¹¹ Ýehowa biziň her birimiziň Özüne ýaramly bolmagymyzy we dogry ýolda galmagymyzy isleýär. Ýermeýa Ýehowanyň dogry adamlary barlaýandygy barada şeýle ýazdy: «Eý, Hökmürowan Reb, dogry adamlary synaýan, ýürekleri görýän we pikirleri okaýan Sensiň!» (Ýer. 20:12). Eger Hökmürowan Reb dogry adamlaryň ýüregini barlaýan bolsa, onda biz hem özümizi çynlakaý barlamaly dälmi näme?! (Zebur 11:5-i okaň). Şonda biz ýüregimizde çuň ornaşan nädogry garaýşy, duýgyny ýa-da maksadymyzy tapyp bileris, ýogsam, şeýle zatlar ýüregimizi gatadar. Gatan ýürek bolsa bejergä mätäçdir. Eger siz göçme manydaky ýüregi barlamagy dogry hasaplasaňyz, onda ýüregiňizden nämeleri gözlärsiňiz we nähili özgerişler edersiňiz? (Ýer. 4:4).