3. a) «Ýahudanyň» taýagy näme aňladýar? b) «Efraýymyň» taýagy näme üçin on taýpaly patyşalygy aňladýar?

³ Ýehowa Hyzkyla iki taýak alyp, birine «Ýahudanyň», beýlekisine «Ýusubyň, ýagny Efraýymyň» taýagy diýip ýazmagy tabşyrýar (Hyzkyl 37:15, 16-njy aýatlary okaň). Taýaklar näme aňladýar? «Ýahudanyň» taýagy ýahuda we benýamin taýpasyndan ybarat iki taýpaly patyşalygy aňladýar. Ýahudanyň neslinden bolan patyşalar şol iki taýpanyň üstünden höküm sürüpdir. Ruhanylara-da iki taýpaly patyşalyk gözegçilik edipdir, sebäbi olar Iýerusalimdäki ybadathanada hyzmat edipdir (2 Tar. 11:13, 14; 34:30). Şeýlelikde, Dawudyň neslinden dörän patyşalar ýaly, lewi ruhanylar hem Ýahuda patyşalygyna degişli bolupdyr. «Efraýymyň» taýagy bolsa on taýpaly Ysraýyl patyşalygyny aňladýar. Ýöne taýagyň Efraýym bilen nähili baglanyşygy bar? On taýpaly patyşalygyň ilkinji patyşasy Ýerobgam efraýym taýpasyndan bolupdyr. Şondan soň efraýym Ysraýylyň esasy taýpasy hasaplanypdyr (5 Mus. 33:17; 1 Pat. 11:26). Diýmek, on taýpaly Ysraýyl patyşalygyna Dawudyň neslinden dörän patyşalar we lewi ruhanylar degişli däldi.

Ýehowa Hyzkyla iki taýak alyp, birine «Ýahudanyň», beýlekisine «Ýusubyň, ýagny Efraýymyň» taýagy diýip ýazmagy tabşyrýar.

«Ýahudanyň» taýagy

GEÇMIŞDE

Iki taýpaly Ýahuda patyşalygy

ŞU GÜNLER

Saýlananlar

«Ýusubyň, ýagny Efraýymyň» taýagy

GEÇMIŞDE

On taýpaly Ysraýyl patyşalygy

ŞU GÜNLER

Uly märeke