Wagyz etmek örän wajyp bolany üçin, Isa şägirtlerine duşmanlaryň eline düşmez ýaly, seresap bolmalydygyny aýdýar. Ol: «Sizi bir şäherde yzarlasalar, başga şähere gaçyň. Size dogrusyny aýdýaryn, ynsan Ogly Ysraýylyň ähli şäherlerini aýlanyp ýetişmänkäňiz geler» diýýär (Matta 10:23).

Diýmek, Isa gelejekde boljak wakalary göz öňünde tutupdy. Häzir bolsa Isanyň «ynsan Ogly... gelýänçä», şägirtleriň hemme ýerlerde wagyz edip ýetişmejekdigi hakyndaky aýdan sözlerine seredeliň. Onuň aýtmagyna görä, şägirtler Hudaýyň Patyşalygy barada hemme ýerlerde wagyz edip ýetişmänkä, şöhratlanan Patyşamyz Isa Mesih Hudaýyň kazysy hökmünde geler.