14. Hasrat çekýän adamlar üçin teselli beriji sözleri nireden tapyp bileris?

¹⁴ Käte hasrat çekýän adama nädip teselli berjekdigiňi bilmeýärsiň. Mukaddes Ýazgylarda: «Akyldaryň dili... şypa berýändir» diýilýär (Sül. tym. 12:18). Köpleri hasrat çekýän adamlara «Dogan-garyndaşyňyz ölende» atly broşýuranyň kömegi bilen teselli berip bildilerc. Ýöne köplenç «aglaýanlar bilen aglamak» has köp peýda getirýär (Rim. 12:15). Ýanýoldaşyny ýitiren Gabi uýamyz şeýle diýýär: «Dogrudanam, aglaýanlar bilen aglasaň, olaryň derdi ýeňleýär. Joralarym meniň bilen bile aglanda, teselli tapýardym. Şeýle ýagdaýda men özümi ýeke duýmaýardym».

20. Ýehowanyň wadasy size näme üçin teselli berýär?

²⁰ Bütin teselliler Hudaýy bolan Ýehowanyň «gabyrda ýatanlaryň ählisiniň onuň (Mesihiň) sesini eşitjek wagty» bar gam-gussany ýok edip, hemişelik teselli berjekdigi diýseň göwnüňi göterýär (Ýahýa 5:28, 29). Hudaý «ölümi ebedilik ýuwutjakdygyny» we «gözýaşlary süpürjekdigini» wada berýär (Iş. 25:8). Şonda biz «aglaýanlar bilen aglaman», gaýtam, «şatlanýanlar bilen şatlanarys» (Rim. 12:15).