Mukaddes Kitabyň näme peýdasy bar?

Häzir kynçylyk çekmeýän, gelejegini alada etmeýän adam ýok bolsa gerek! Köp adamlara maşgalasyny eklemek kyn. Köpler bolsa hakyky bagty gözleýärler. Belki, sen hem şeýle zatlary alada edýänsiň. Seni biynjalyk edýän zatlar Mukaddes Kitapda düşündirilýär hem-de peýdaly maslahatlar bar. Şol maslahatlar saňa uly kömek eder.

1. Mukaddes Kitapda haýsy soraglara jogap berilýär?

Mukaddes Kitapda şeýle wajyp soraglara jogap berilýär: ýaşaýyş nädip döredi? Adamlar näme üçin ýaradyldy? Bigünä adamlar näme üçin kynçylyk çekýär? Adam ölensoň, oňa näme bolýar? Ähli halklar parahat ýaşamak islese-de, näme üçin uruş köp? Gelejekde ýer ýüzi nähili bolar? Millionlarça adamlar şol soraglara jogap tapdylar. Sen hem Mukaddes Kitapdan öz soraglaryňa jogap tapyp bilersiň.

2. Mukaddes Kitap durmuşda nädip kömek edýär?

Mukaddes Kitapda gowy maslahatlar berilýär. Mysal üçin, sen maşgalany bagtly etmegi, kynçylyklary çözmegi hem-de höwes bilen zähmet çekmegi öwrenersiň. Mukaddes Kitapdan başga-da köp zatlary bilersiň. Şonda «mukaddes kitaplaryň ählisiniň... peýdalydygyna» göz ýetirersiň (2 Timoteos 3:16).

SÖHBETDEŞLIK

Mukaddes Kitabyň adamlara kömek edişini bileris, gyzykly edip okamagy öwreneris we mugallym bilen öwrenmegiň peýdasyna serederis.

3. Mukaddes Kitap ýol görkezýär

Mukaddes Kitap çyra ýaly, ýörejek ýolumyzy görkezýär. Ol bize dogry kararlara gelmäge we gelejegi bilmäge kömek edýär.

Zebur 119:105-i okap, aşakdaky soraglar boýunça gürrüňdeş boluň.

• Şu sözleri ýazan adam Mukaddes Kitaby näme üçin gowy görýärdi?

• Sen Mukaddes Kitaba nähili garaýarsyň?

4. Mukaddes Kitapda wajyp soraglara jogap berilýär

WIDEO: «Hiç haçan umydyňyzy ýitirmäň!» (1:48)

• Şol aýaly nähili soraglar biynjalyk edýärdi?

• Mukaddes Kitapdan okuw geçmek nähili peýda berdi?

Mukaddes Kitap wajyp soraglaryň jogabyny gözlemäge höweslendirýär. Matta 7:7-ni okap, aşakdaky sorag boýunça gürrüňdeş boluň.

• Mukaddes Kitapdan haýsy soraglaryňa jogap tapasyň gelýär?

5. Mukaddes Kitaby gyzykly edip okap bilersiň

WIDEO: «Mukaddes Kitaby okamak» (2:05)

• Ýaşlar kitap okamaga nähili garaýarlar?

• Olar Mukaddes Kitaby näme üçin höwes bilen okaýarlar?

Mukaddes Kitaby okasaň, ýüregiň giňär we gelejege umydyň bolar. Rimliler 15:4-i okap, aşakdaky sorag boýunça gürrüňdeş boluň.

• Göwünlik berýän sözler hem-de wadalar hakda köpräk bilesiň gelýärmi?

6. Mugallym Mukaddes Kitaba düşünmäge kömek eder

Köp adamlar Mukaddes Kitaby diňe özbaşdak okaman, gaýtam mugallym bilen öwrenmegiň peýdalydygyna göz ýetirdiler. Resullar 8:26—31-nji aýatlary okap, aşakdaky sorag boýunça gürrüňdeş boluň.

• Mukaddes Kitaba düşünmek üçin näme etmeli? (30, 31-nji aýatlara serediň).

ESASY PIKIRLER

Mukaddes Kitapda peýdaly maslahatlar bar, wajyp soraglara jogap berilýär, adamlara göwünlik hem umyt berilýär.

Gaýtalamak

• Mukaddes Kitapda nähili maslahatlar berilýär?

• Mukaddes Kitapda haýsy soraglara jogap berilýär?

• Mukaddes Kitapdan näme barada bilesiň gelýär?

KÖPRÄK BILIŇ

Mukaddes Kitapdaky maslahatlar şu günler hem peýdaly.

«Mukaddes Kitabyň maslahatlary hemişe peýdaly» («Garawul diňi» No. 1, 2018)

Mukaddes Kitap çagalykdan utanjaň bolan adama kömek edýär.

«Men indi bagtly» (2:53)

Mukaddes Kitapdaky maslahatlar maşgalada-da peýdaly.

«Maşgalany bagtly edýän 12 maslahat» («Oýanyň!» No. 2, 2018)

Köpler dünýäniň hökümdarynyň kimdigini bilmeýär. Mukaddes Kitapda näme diýilýär?

«Mukaddes Kitaby öwrenmegiň näme peýdasy bar?» (3:14)

1. Mukaddes Kitabyň Alladan gelendigini nireden bilýäris?

Mukaddes Kitaby 40-a golaý adam takmynan 1 600 ýylyň dowamynda ýazdy. Ony b. e. öň 1513-nji ýyldan b. e. 98-nji ýylyna çenli dürli döwürde ýaşan adamlar ýazdy. Olaryň arasynda çopanlar, balykçylar, patyşalar bardy. Emma ondaky wakalar we pikirler özara baglanyşýar, sebäbi ony Hudaý ýazdyrdy (1 Selanikliler 2:13-i oka). Mukaddes Kitaby ýazan adamlar öz pikirlerini ýazmadylar. Olar «Hudaýyň mukaddes ruhunyň kömegi bilen pygamberlik etdiler»a (2 Petrus 1:21). Olar mukaddes ruhuň kömegi bilen, Hudaýyň pikirlerini ýazdylar (2 Timoteos 3:16).