• Siz nähili ruhy bildirýärsiňiz?
    Garawul diňi — 2012 | 15 oktýabr

    • 1. Pawlus mesihçilere ýazan hatynda nämä umyt edýändigi barada aýtdy?

      PAWLUS RESUL ýygnaklaryň bildirilýän ruhundan Hudaýyň we Isa Mesihiň razydygyna umyt edýärdi. Şol sebäpli ol bu barada mesihçilere telim gezek hat ýazdy. Meselem, ol galatýalylara şeýle ýazdy: «Eý doganlarym! Goý, Rebbimiz Isa Mesihiň merhemeti siziň bildirýän ruhuňyz bilen bolsun. Omyn!» (Gal. 6:18, TD). Pawlus «siziň bildirýän ruhuňyz» diýmek bilen nämäni göz öňünde tutdy?

      1. Pawlus mesihçilere ýazan hatynda nämä umyt edýändigi barada aýtdy? 2, 3. a) Käbir ýagdaýlarda Pawlus «ruh» sözüni nähili manyda ulandy? b) Biz bildirýän ruhumyz babatda özümize nähili soraglary berip bileris? 4. «Dünýäniň ruhy» näme? 5. Ysraýyllylaryň käbiri nähili ruha eýerdiler? 6. I asyrda käbirleriniň erbet garaýşy nädip aýan boldy we ol näme sebäpden döredi? 7. Biz ýygnakda nähili ruhdan seresap bolmaly? 8. Mukaddes Ýazgylardaky haýsy aýatlar ýolbaşçylyk edýän doganlara dogry garaýyşda bolmaga kömek edýär? 9. a) Mesihçä düzediş ýa-da maslahat berlende, onuň imany nädip synalmagy mümkin? b) Käýinç berlende nähili garaýyşda bolsak gowy bolar? 10. a) Ýagşy we ýaman ruh barada Ýakup 3:16—18-nji aýatlardan näme öwrenip bileris? b) «Gökden inen akyldarlyga» eýersek nähili peýda getirer? 11. a) Biz dogry garaýşy saklasak nämeden gaça durup bileris? b) Dawudyň göreldesinden nähili sapak edinip bileris? 12. Ýygnagyň agzybir bolmagyna näme kömek eder? 13. Biz öz pikirimize nähili garamaly we Mukaddes Ýazgylardaky haýsy waka muňa düşünmäge kömek edýär? 14. Biz başgalara dogry garaýyşdadygymyzy nädip görkezip bileris? 15. a) Bagyşlamak babatda Eýýupdan näme öwrenip bileris? b) Doga etmeklik bize Hudaýa ýaramly garaýşy ösdürmäge nädip kömek edýär? 16, 17. Siz bildirýän ruhuňyzyň Ýehowa ýaramly bolmagy üçin näme etmek isleýärsiňiz?

      2, 3. a) Käbir ýagdaýlarda Pawlus «ruh» sözüni nähili manyda ulandy? b) Biz bildirýän ruhumyz babatda özümize nähili soraglary berip bileris?

      2 Pawlusyň bu aýatda ulanan «ruh» sözi bizi geplemäge ýa-da hereket etmäge höweslendirýän güýji aňladýar. Käbir adamlar mähirli, ünsli, mylaýym, eli açyk we geçirimli bolýar. Mukaddes Ýazgylarda «ýumşak, ýuwaş ruhly» we «mylaýym ruhly» adamlar öwülýär (1 Pet. 3:4; Sül. tym. 17:27). Emma käbirleri içýakgyç, öz peýdasyna çapýan, öýkelek bolýarlar ýa-da özbaşdak bolmaklygy isleýärler. Şeýle-de ahlaksyz, boýun egmezek, hatda pitneçi ruhy bildirýänler hem bar.

      3 Şol sebäpli Pawlus: «Reb... seniň ruhuň bilen bolsun» diýen sözleri ulanyp, doganlary Hudaýyň niýetine we Mesihiň häsiýetine laýyk gelýän ruhy bildirmäge höweslendirdi (2 Tim. 4:22; Koloseliler 3:9—12-nji aýatlary okaň). Şonuň üçin biz özümize şeýle soraglar bersek gowy bolar: «Men nähili ruhy bildirýärin? Men bildirýän ruhumyň Hudaýa has ýaramly bolmagy üçin näme edip bilerin? Men ýygnagyň gowy ruhuna nähili goşant goşup bilerin?» Günebakarly meýdany göz öňüne getiriň. Ol ýerdäki her bir gül tutuş meýdana gözellik berýär. Biz hem şol gülleriň birine meňzäp, ýygnagyň owadanlygyna owadanlyk goşup bilerismi? Elbetde, biz şeýle etmäge jan etmeli. Geliň, Hudaýa ýaramly ruhy bildirmek üçin näme etmelidigine seredeliň.