„Biri-biriňizi ýürekden söýüň“

1. Söýgi ýürekden çykmaly,

Yssy mähir bolar ýaly,

Geliň, dogan-uýalary.

Söýeliň her zaman.

Mähirli sözi gysganman,

Çyn dost bolalyň jana-jan.

Görelde alyp Hudaýdan,

Bolalyň mähriban.

Mätäji goldap günde,

Söýeliň sözde, iş ýüzünde,

Ýagşylygyň öňünde,

Dyz epeliň her pursat.

Unutman sylag-hormaty,

Dünýäde saçalyň ýagty.

Hiç kimden görmäliň gaty.

Şeýdip, bolarys biz şat,

Agzybirligi saklap.

2. Söýgüde barha berkesek,

Ýalňyşlyklar bolar seýrek.

Bolarys bir jan, bir ýürek,

Imandaşlar bilen.

Dostlugy berkidip mydam,

Bolýarys has-da gadyrdan.

Ýygnakdan galman hiç haçan,

Berkeýäs gün-günden.

Käte gepläp oýlanman,

Başgalara çekdirýäris gam.

Şonuň üçin her zaman,

Bolmaly biz rehimdar.

Ruhlandyryp bir-biregi,

Bolalyň dostluk diregi.

Geliň, öwrenip söýmegi,

Wasp edeliň Allany,

Mähriban Ýehowany.