Ýahýa: «Menden beýik biri gelýär» diýip wagyz edýärdi. Isa 30 ýaşlaryndady. Bir gezek ol Jelileden Iordan derýasyna gelýär. Ýahýa şol ýerde adamlary suwa çümdürýärdi. Isa-da Ýahýanyň ýanyna suwa çümdürilmäge gelýär. Ýahýa: «Men seni däl, sen meni suwa çümdürmeli» diýýär. Isa: «Meni suwa çümdürmegiňi Ýehowa isleýär» diýýär. Şeýdip, olar Iordan derýasyna girýär. Ýahýa Isany suwa çümdürýär.

Soňra Isa Hudaýa doga edýär. Gök açylyp, Hudaýyň mukaddes ruhy kepderi ýaly Isanyň üstüne gelýär. Ýehowa gökden: «Oglum, men seni gowy görýän. Men senden razy» diýýär.

Şonda Ýehowa Isany Mesih belleýär. Oňa ýumuş tabşyrýar. Indi Isa işe başlamalydy.

Isa suwa çümdürilenden soň çöle gidýär. Şol ýerde 40 gün bolýar. Soňra çölden gaýdyp, Ýahýanyň ýanyna barýar. Ýahýa Isanyň gelýänini görüp: «Ine, Hudaýyň Guzusy! Ol ähli adamlaryň günäsini aýrar» diýýär. Şeýdip, Ýahýa adamlara Isanyň Mesihdigini aýdýar. Bilýäňmi, Isa çöldekä näme boldy? Gel, bileli.

Isa suwa çümdürilensoň çöle gitdi. Mukaddes ruh oňa ýol görkezipdi. Ol 40 gün hiç zat iýmedi. Isa gaty ajykdy. Şeýtan hem ony synamaga geldi. Ol Isa: «Eger sen Hudaýyň ogly bolsaň, şu daşlary çörege öwür» diýdi. Isa oňa mukaddes kitaplardaky sözleri aýtdy. Ol: «Adama ýaşamak üçin diňe çörek gerek däl. Ol Ýehowanyň her bir sözüne gulak asyp ýaşamaly» diýdi.

Şeýtan Isany ikinji gezek barlap gördi. Ol Isa şeýle diýýär: «Eger sen Hudaýyň ogly bolsaň, ybadathananyň iň beýik ýerinden aşak bök. Mukaddes kitaplarda: „Hudaý perişdelerini iberip, seni halas eder“ diýilýär». Isa Şeýtana şeýle jogap berýär: «Mukaddes kitaplarda: „Ýehowa Hudaýyňy synama“ diýilýär».

Şeýtan Isany üçünji gezek hem synaýar. Ol Isa ýer ýüzündäki ähli patyşalyklary, baýlyklary we at-abraýy görkezýär. Soňra oňa: «Eger sen maňa ýekeje gezek sežde etseň, şularyň ählisini saňa bererin» diýýär. Isa oňa şeýle jogap berýär: «Git şu taýdan, Şeýtan. Mukaddes kitaplarda: „Diňe Ýehowa sežde et“ diýip ýazylgy».

Şondan soň Şeýtan Isanyň ýanyndan gidýär. Perişdeler Isa iýmäge zat getirýärler. Şol wakadan soň Isa adamlara Hudaýyň Patyşalygy barada öwredip başlady. Isa ýere gowy habar aýtmak üçin gelipdi. Onuň öwredýän zatlaryny adamlar halaýardy. Isa nirä gitse, adamlaram yzyna düşüp gidýärdi.