75-NJI AÝDYM
«Men giderin! Meni iber!»
1. Häzir köp adamlar erbet,
Hudaýa atýarlar töhmet.
Olar: «Hudaý zalym» diýýär,
Käbiri iman etmeýär.
Kim Ýehowa hakda aýdar?
Kim adyny yglan eder?
1-NJI GAÝTALAMA:
Men giderin! Meni iber!
Alkyş aýdaryn her zaman.
Şaýadyň bolmak uly hormat,
Giderin! Meni iber!
2. Diýýärler: «Hudaý eglendi»,
Köp adam ikirjiňlendi.
Sežde edip jansyz buta,
Mynasyp görýär hormata.
Kim duýdurar gelýän güni?
Kim aýdar höküm sözüni?
2-NJI GAÝTALAMA:
Men giderin! Meni iber!
Aýdaryn hiç kimden gorkman.
Şaýadyň bolmak uly hormat,
Giderin! Meni iber!
3. Häzir erbetlik köpelýär,
Pespäller hasam kösenýär.
Hudaýhonlar dogry ýoly
Gözleýärler gyzyl ýaly.
Kim gidip göwünlik berer?
Kim dogry ýoly görkezer?
3-NJI GAÝTALAMA:
Men giderin! Meni iber!
Wagyz ederin ýadaman.
Şaýadyň bolmak uly hormat,
Giderin! Meni iber!
(Serediň: Zeb. 10:4; Hyz. 9:4)