136-NJY AÝDYM
Ýehowanyň sylagy
Çap edilen görnüşi
(Rut 2:12)
1. Ýehowa wepadar, çykarmaz ýatdan
Ýürekden gulluk edýäni.
Görýär gymmatly zadyndan geçýäni,
Her ýagdaýa döz gelýäni.
Ýah üçin öýüni taşlap gaýdana,
Üstüne goşulyp berler.
Ýüzläp-müňläp berer dogan-uýany,
Jennet öýüne ýetirer.
GAÝTALAMA:
Goý, Ýehowa bersin sylagyňy,
Yhlasly zähmetiňi ýalkasyn.
Üstüňe ýaýsyn ganatyny,
Güýçli penasynda aman saklasyn.
2. Käte durmuş çekip çydardan agyr,
Işden sowadýar eliňi.
Kynçylyk köpelende gerek sabyr,
Berk guşamaly biliňi.
Ýehowa her gün tagallaňy görýär,
Diňleýär dilegleriňi.
Aladaňy eder, göwünlik berer,
Bereketlär işleriňi.
GAÝTALAMA:
Goý, Ýehowa bersin sylagyňy,
Yhlasly zähmetiňi ýalkasyn.
Üstüňe ýaýsyn ganatyny,
Güýçli penasynda aman saklasyn.
(Serediň: Ser. 11:38—40; Işa. 41:10)