Awit

53 Ang hangal ay nagsabi sa kaniyang puso:

“Walang Jehova.”+

Gumawi sila nang kapaha-pahamak at gumawi sila nang karima-rimarim sa kalikuan;+

Walang sinumang gumagawa ng mabuti.+

 2 Kung tungkol sa Diyos, dinudungaw niya mula sa langit ang mga anak ng mga tao,+

Upang tingnan kung may sinumang may kaunawaan, sinumang humahanap kay Jehova.+

 3 Silang lahat ay tumalikod, silang lahat ay pawang tiwali;+

Walang sinumang gumagawa ng mabuti,+

Wala ni isa man.

 4 Wala bang sinuman sa mga nagsasagawa ng bagay na nakasasakit ang may kaalaman,+

Na lumalamon sa aking bayan gaya ng pagkain nila ng tinapay?+

Ni hindi sila tumatawag kay Jehova.+

 5 Doon ay napuspos sila ng malaking panghihilakbot,+

Kung saan dati ay walang panghihilakbot;+

Sapagkat pangangalatin nga ng Diyos ang mga buto ng sinumang nagkakampo laban sa iyo.+

Ilalagay mo nga sila sa kahihiyan, sapagkat itinakwil sila ni Jehova.+

 6 O kung sa Sion sana manggaling ang dakilang kaligtasan ng Israel!+

Kapag tinipong muli ni Jehova ang mga nabihag sa kaniyang bayan,+

Magalak nawa ang Jacob, magsaya nawa ang Israel.+