45 Ang aking puso ay napukaw dahil sa isang mabuting bagay.+

Sinasabi ko: “Ang aking mga gawa ay may kinalaman sa isang hari.”+

Ang aking dila nawa ay maging panulat+ ng isang dalubhasang tagakopya.+

 2 Higit ka ngang makisig kaysa sa mga anak ng mga tao.+

Ang panghalina ay ibinuhos sa iyong mga labi.+

Kaya naman pinagpala ka ng Diyos hanggang sa panahong walang takda.+

 3 Ibigkis mo ang iyong tabak+ sa iyong hita, O makapangyarihan,+

Taglay ang iyong dangal at ang iyong karilagan.+

 4 At sa iyong karilagan ay magtagumpay ka;+

Sumakay ka alang-alang sa katotohanan at kapakumbabaan at katuwiran,+

At tuturuan ka ng iyong kanang kamay ng mga kakila-kilabot na bagay.+

 5 Ang iyong mga palaso ay matutulis—sa ilalim mo ay nagbabagsakan ang mga bayan+—

Sa puso ng mga kaaway ng hari.+

 6 Ang Diyos ang iyong trono hanggang sa panahong walang takda, magpakailan-kailanman;+

Ang setro ng iyong paghahari ay setro ng katuwiran.+

 7 Iniibig mo ang katuwiran+ at kinapopootan mo ang kabalakyutan.+

Kaya naman ang Diyos, ang iyong Diyos,+ ay nagpahid+ sa iyo ng langis ng pagbubunyi+ na higit kaysa sa iyong mga kasamahan.+

 8 Ang lahat ng iyong kasuutan ay mira at aloe at kasia;+

Mula sa maringal na palasyong garing+ ay pinasaya ka ng mga panugtog na de-kuwerdas.

 9 Ang mga anak na babae+ ng mga hari ay kabilang sa iyong minamahal na mga babae.

Ang malareynang abay+ ay tumindig sa iyong kanan na may ginto ng Opir.+

10 Dinggin mo, O anak na babae, at masdan, at ikiling mo ang iyong pandinig;

At limutin mo ang iyong bayan at ang bahay ng iyong ama.+

11 At ang hari ay mananabik sa iyong kariktan,+

Sapagkat siya ang iyong panginoon,+

Kaya yumukod ka sa kaniya.+

12 Gayundin ang anak na babae ng Tiro na may kaloob+—

Palalambutin ng mayayaman sa bayan ang iyong mukha.+

13 Ang anak na babae ng hari ay lubos na maluwalhati sa loob ng bahay;+

Ang kaniyang pananamit ay may mga palamuting ginto.

14 Siya na may kasuutang hinabi ay ihahatid sa hari.+

Ang mga dalaga na kasunod niya bilang kaniyang mga kasamahan ay dinadala sa iyo.+

15 Ihahatid sila na may pagsasaya at kagalakan;

Papasok sila sa palasyo ng hari.

16 Ang magiging kahalili ng iyong mga ninuno+ ay ang iyong mga anak,+

Na aatasan mo bilang mga prinsipe sa buong lupa.+

17 Babanggitin ko ang iyong pangalan sa lahat ng mga salinlahing darating.+

Kaya naman pupurihin ka ng mga bayan hanggang sa panahong walang takda, magpakailan-kailanman.